Miquel Fernández García

Miquel Fernández García

(2018)
Biografía
Nacemento	13 de febreiro de 1980 (44 anos) Barcelona, España
Actividade
Ocupación	actor, cantante
Familia
Parella	Irene Montalà (2011–2022)

Miquel Fernández García, nado en Barcelona o 13 de febreiro de 1980, é un actor e cantante español.

Ós 15 anos apúntase ó taller de teatro do instituto, onde interpreta o papel de Riff, nunha versión de West Side Story. Posteriormente entra a formar parte do elenco do grupo de teatro afeccionado TRAMOIA. Nesa época aparece como actor secundario nas producións La mujer X e Evita. O ano 1996 interpreta o papel de Freddy Eynsford-Hill, no musical My Fair Lady, protagonizado por Daniel Pérez e Juan Antonio Martínez, que suporía o seu primeiro contacto co teatro musical cantado en directo. Con 16 anos, apúntase á Escola de Teatro Musical Memory en Barcelona, intercalando os estudos de secundaria. Decide trasladarse a Barcelona a seguir estudando e ese mesmo ano é vocalista da Orquesta Origen.

Nos seus traballos máis recentes, deu vida ó doutor Juan Durán, protagonista da serie de Catro Amistades peligrosas, e dende 20 de setembro de 2007 até fin do mesmo ano, protagoniza o musical Jesucristo Superstar no Teatro Lope de Veiga.

Posteriormente volve a Hoy no me puedo levantar onde realiza a dirección artística así como, en esporádicas ocasións, o papel de protagonista novamente.

• Veraneantes (obra de teatro) (2011) - Protagonista.
• Director artístico de Musicales Drive (2009 - 2011)
• 40 El Musical (musical) (2010 - 2011) - Director artístico.
• Enamorados anónimos (musical de copla) - Dirección artística.
• Hoy no me puedo levantar (2008-), de Nacho Cano, como director artístico e protagonista.
• Jesucristo Superstar (2007), dirixida por Stephen Rayne, como Jesucristo.
• We Will Rock You (musical) (2005-2006), dirixida por Jesús Cracio, como Galileo.
• Poe (2002-2003), dirixida por Joan Lluís Bozzo, como Nicholas.
• La bella Helena (2001-2003), dirixida por Josep Maria Mestres, como Paris.
• La misa de Bernstein (2000-2001), dirixida por Joan Ollé.
• Rent (1999-2000), dirixida por Abbey Epstein, como Tom Collins.
• Casta Diva (1998-1999).
• Els pirates (1998-1999), dirixida por Joan Lluís Bozzo, como Frederico.
• La princesa y el pesol (1997-1998), dirixida por Roser Contreras e Montse Miralles.
• The magic kingdom of Oz (1998), dirixida por Gabriel Doz.
• Las aventuras del Yellow Submarine (1997), dirixida por Víctor Conde.
• Assassins (1997), dirixida por Ricard Reguant.

• Miquel Fernández García na IMDb (en inglés).