Manuel Hurtado

Manuel Hurtado

Biografía
Nacemento	27 de xuño de 1984 (40 anos) Lugo, España
Educación	Universidade de Santiago de Compostela
Actividade
Ocupación	político, atleta
Partido político	Compromiso por Galicia
Deporte	atletismo

Manuel Hurtado Sanjurjo, nado en Lugo o 27 de xuño de 1984, é un atleta, adestrador deportivo e político galego.

Licenciouse en 2009 en xornalismo pola Universidade Complutense mentres residía no Centro de Alto Rendemento de Madrid^[1] e logo fixo maxisterio na Universidade de Santiago de Compostela (2012). Coñecido deportivamente como Huracán Hurtado é especialista de media e longa distancia, e antes de marcha atlética, acadou o 3º posto no Campionato de España de 10 km no 2010. 1º posto nos 10 000 m en 2012 no Campionato de España Universitario de Atletismo. No 2015 gañou nos 5000 m do Campionato Galego absoluto e quedou en terceiro lugar do Campionato de España de Carreira de Montaña. En 2017 volveu gañar o Campionato Galego en 5000 e 10 000 m. En 2018 proclamouse campión galego de cross curto, cross longo e medio maratón.^[2]

Dende o ano 2010 comezou a colaborar co seu primeiro club de atletismo nos labores de monitor, chegando a ter o título de adestrador nacional nivel II no ano 2015 e nivel III no 2018. Dende 2010 é adestrador de base nun colexio de Lugo e mais tamén dirixe a campioa de España sub-18 dos 3000 m, Sara López^[3] e a subcampioa sub-16 nos 600 m, Carmen Victoria González.

Realizou colaboracións con diversos medios xeneralistas e tamén especializados en información deportiva, e máis é tertuliano do programa Voces de Lugo de RadioVoz, dirixido por Félix Jorquera. En agosto de 2018, anunciou publicamente o seu salto á política local, logo de presentar a súa candidatura a encabezar a lista de Compromiso por Galicia nas eleccións municipais de 2019^[4].