Mathieu de Arras

Mathieu de Arras

Nome orixinal	(fr) Mathieu d’Arras
Biografía
Nacemento	c. 1290 Arras, Francia
Morte	1352 (Gregoriano) (61/62 anos) Praga, República Checa
Lugar de sepultura	Catedral de San Vito
Actividade
Campo de traballo	Arquitectura, enxeñaría civil e Arquitectura medieval
Lugar de traballo	Aviñón
Ocupación	arquitecto, Mestre de obras, albanel, escultor, canteiro
Movemento	Arte gótica
Obra
Obras destacables (1344) Catedral de San Vito
Descrito pola fonte	Vlastenský slovník historický (pt)

Mathieu de Arras, nado en Arras cara a 1290 e finado en Praga en 1352, foi un arquitecto, escultor e mestre de obras francés. Foi o primeiro arquitecto da Catedral de San Vito de Praga.

Non se sabe moito da súa vida antes de que chegase a Praga. Estivo a traballar na corte papal en Avignon, no Languedoc. Foi alí onde se encontrou co futuro emperador Carlos IV do Sacro Imperio, quen o convidou a ir con el e construír unha nova catedral para o bispado de Praga, que acababa de ser elevado ao rango de arquidiocese. A catedral de San Vito comezou a proxectarse no ano 1341 nun estilo gótico meridional languedociano. O plano básico era moi próximo do da catedral dos santos Xusto e Pastor de Narbona e máis do da catedral de Nosa Señora de Rodez.

A primeira pedra non foi posta até 1344 e, durante os oito anos seguintes, até a súa morte, Mathieu de Arras, tivo tempo de acabar oito arcadas do coro, o deambulatorio e as capelas radiais desta.

Estabeleceu os talleres en Hradčany, preto da canteira principal.

Logo da súa morte, en 1352, foi o mozo Peter Parler quen, en 1356, retomou o traballo no obradoiro e a canteira de Mathieu de Arras modificando ás veces radicalmente.

En 1348 iniciou as obras do castelo de Karlštejn (Karlstein en alemá) para o mesmo Carlos.

• Catedral de San Vito de Praga
• Ponte de Carlos, Praga
• Plano da Cidade Nova (Nové Město) de Praga
• Igrexa de Nosa Señora de Týn
• Tamén se lle atribúe Karlštejn