Once Upon a Time in Hollywood

Once Upon a Time in Hollywood
Logo do filme.
Ficha técnica
Título orixinal	Once Upon a Time in Hollywood
Director	Quentin Tarantino
Produtor	David Heyman Shannon McIntosh Quentin Tarantino
Guión	Quentin Tarantino
Intérpretes	Leonardo DiCaprio Brad Pitt Margot Robbie Emile Hirsch Margaret Qualley Timothy Olyphant Austin Butler Dakota Fanning Bruce Dern Al Pacino
Fotografía	Robert Richardson
Montaxe	Fred Raskin
Estudio	Columbia Pictures Bona Film Group Heyday Films Visiona Romantica
Distribuidora	Sony Pictures Releasing
Estrea	Festival de Cannes: 21 de maio de 2019 26 de xullo de 2019
Duración	161 minutos[1]
Orixe	Estados Unidos Reino Unido China[2]
Xénero	Drama, suspense e crime
Orzamento	90–96 millóns de dólares[3]
Recadación	374,3 millóns de dólares[4]
Filme anterior	The Hateful Eight
Na rede
https://www.onceuponatimeinhollywood.movie e https://www.sonypictures.com/movies/onceuponatimeinhollywood

Once Upon a Time in Hollywood é un filme de 2019 escrito e dirixido por Quentin Tarantino. Producido por Columbia Pictures, Bona Film Group, Heyday Films, e Visiona Romantica e distribuído por Sony Pictures Releasing, é unha coprodución entre os Estados Unidos, o Reino Unido e a China. Está protagonizado por Leonardo DiCaprio, Brad Pitt e Margot Robbie. Ambientado en 1969 nos Ánxeles, o filme conta a historia dun actor e o seu dobre de acción, e contén diferentes liñas argumentais como un tributo ós momentos finais da idade dourada de Hollywood.^[5][6][7]

Once Upon a Time in Hollywood estreouse no Festival Internacional de Cinema de Cannes de 2019 o 21 de maio de 2019, e estreouse nos cinemas dos Estados Unidos o 26 de xullo de 2019, e no Reino Unido o 14 de agosto. O filme recadou 374 millóns de dólares en todo o mundo e recibiu a aclamación da crítica polo guión, dirección, actuación, fotografía, deseño de vestiario, produción e banda sonora. Entre os diferentes premios, foi escollido polo American Film Institute e o National Board of Review como un dos mellores dez filmes do ano. Recibiu dez nomeamentos na 92ª edición dos Óscar, incluíndo mellor filme, e gañou os premios de mellor actor secundario (Pitt) e mellor deseño de produción. Tamén gañou o Globo de Ouro ó mellor filme de comedia ou musical.

O filme céntrase no panorama cambiante de Hollywood a finais dos anos 60, cando a industria empezaba a esquecerse dos piares clásicos. Unha estrela dun western televisivo chamada Rick Dalton (DiCaprio) intenta amoldarse a estes cambios ao mesmo tempo que o seu dobre Cliff Booth (Pitt). Porén, a vida de Dalton parece que está ligada a sus raíces de Hollywood: é veciño da actriz e modelo Sharon Tate (Robbie).

• Leonardo DiCaprio como Rick Dalton
• Brad Pitt como Cliff Booth
• Margot Robbie como Sharon Tate
• Al Pacino como Marvin Schwarzs
• Dakota Fanning como Lynette "Squeaky" Fromme

• Once Upon a Time in Hollywood na IMDb (en inglés).