Icía
Icía[1][2] é un nome propio feminino galego. A súa orixe é o latín Caecilia, que se considera un derivado do adxectivo tamén latino caecus 'cego'. A Gens Cecilia era unha das grandes familias da República Romana. En galego tamén ten as variantes Cecilia, Cilla e Cecía, e os hipocorísticos Cía e Sía.[2]
En xaneiro de 2023 existían 675 mulleres en Galicia co nome Icía, cunha media de idade de 11,6 anos,[3] 1.139 co nome Cecilia, cunha media de idade de 41,8 anos[4] 31 co nome Sía, cunha media de idade de 3,6 anos[5] e 7 co nome Cecía, cunha media de idade de 24,9 anos.[6] Non hai persoas rexistradas coa variante Cilla.
Historia do nome
[editar | editar a fonte]O nome está moi relacionado cos nomes Celia (variantes: Celeste, Celestina, Celina e Celsa) provenientes tamén do latín e co significado: pertencente ao ceo.
Non é un nome moi común en Galicia, pero si en Asturias. Santa Cecilia, Cilla ou Sía é padroa de catro parroquias en Galicia: Freán, O Saviñao; Santa Cecilia de Trasancos, Ferrol; Santa Cilla do Valadouro, Foz e Santa Sía de Roma, Zas.[7] Como curiosidade, a variante galega Cilla tamén é usada en Suecia e Holanda.
Santoral
[editar | editar a fonte]
Santa Icía (en latín, sancta Caecilia), santa padroa dos músicos, foi unha nobre romana convertida ao cristianismo e martirizada pola súa fe entre os anos 180 e 230.
A principal festa de Santa Icía celébrase o 22 de novembro.
- Santas
- 11 de febreiro: Santa Icía de África.
- 16 de abril: Santa Icía, mártir.
- 17 de agosto: Santa Icía, abadesa.
- 22 de novembro: Santa Icía de Roma, mártir.
- 26 de decembro: Santa Icía Yu So-Sa, mártir.
- Beatas
- 12 de agosto: Beata Cecilia, abadesa.
- 26 de decembro: Beata Cecilia Butsi, mártir.
Variantes noutras linguas
[editar | editar a fonte]- Lingua alemá: Cecilia, Cäcilia, Cäcilie, Caecilia, Zilla, Silke
- Lingua latina:Caecilia
- Lingua grega:Καικιλία
- Lingua inglesa:Cecilia, Cecelia, Cecilly, Cecily, Ceil, Ceila, Celia, Celinda, Cicely, Cissy, Sas, Sesilia, Shayla, Sissie, Sissy, Sheelagh (inglés de Irlanda), Sheila (inglés de Irlanda), Shelagh (inglés de Irlanda).
- Lingua húngara:Cecília, Cecil (diminutivo de Cecília), Cicelle (arcaico), Cili
- Lingua española: Cecilia, Celia
- Lingua portuguesa: Cecília
- Lingua italiana: Cecilia, Celia
- Esperanto: Cecilia
- Lingua finesa: Cecilia, Silja
- Lingua francesa: Cécile
- Lingua holandesa:Cecilia, Cécile, Cilla
- Lingua checa: Cecílie, Cecilie
- Lingua norueguesa: Cecilie, Sidsel, Sissel, Silje
- Lingua dinamarquesa: Cecilie, Cille, Sidsel, Sissel, Sille, Silje
- Lingua eslovaca: Cecília
- Lingua catalá: Cecília
- Lingua romanesa: Cecilia
- Lingua sueca: Cecilia, Cilla, Sissela
- Lingua galega: Cecilia, Cilla, Cecía
- Lingua asturiana: Cecilia, Cecia, Icia.
- Lingua croata: Cecilija
- Lingua eslovena: Cecilija, Cila, Cilika, Cilka
- Lingua rusa: Ceciliya, Tsetsiliya
- Lingua polaca: Cecylia
- Lingua manx: Cissolt
- Lingua hawaiana: Kikilia
- Lingua turca: Seçil
- Lingua islandesa: Sesselja, Silja
- Lingua irlandesa: Síle
- Lingua escocesa: Sìleas
- Lingua estoniana: Sille, Silje, Silja
- Lingua indonesia: Sisilia
- Lingua yiddish:Sisel, Zisel
- Lingua chinesa:西西莉亞
- Lingua éuscara: Zezili, Koikille
- Variantes masculina
- Caecilius: Lingua latina;
- Cecil: Lingua inglesa;
- Cecilio: Lingua italiana, lingua portuguesa, lingua galega, lingua española[8].
Algúns persoeiros
[editar | editar a fonte]- Galegas
- Cecilia Tarela Barreiro, Pontecesures, política galega do BNG.
- Cecilia Vázquez Suárez, Betanzos, avogada e política galega do PPdeG.
- Outras
- Cecilia Roth, Buenos Aires, 1958, actriz arxentina.
- Cecilia Böhl de Faber, Morges (Cantón de Vaud, Suíza), 1796, escritora española.
- Cecilia Bartoli, Roma, 1966, mezzosoprano coloratura italiana cantante de óperas e recitais.
Notas
[editar | editar a fonte]- ↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
- ↑ 2,0 2,1 Boullón Agrelo, Ana Isabel (coord.): Guía de nomes galegos A Coruña: Real Academia Galega.
- ↑ Nome Icía na Web do Intituto Galego de Estatística
- ↑ Nome Cecilia na Web do Intituto Galego de Estatística
- ↑ Nome Sía na Web do Intituto Galego de Estatística
- ↑ Nome Cecía na Web do Intituto Galego de Estatística
- ↑ "Santa Sía de Roma. Zas polo miúdo". www.concellodezas.org. Arquivado dende o orixinal o 09 de maio de 2019. Consultado o 2019-05-09.
- ↑ Behind the Name