Furafollas grande
| Furafollas grande | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
| Estado de conservación | |||||||||||||||||||
 Pouco preocupante[1] | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| Sorex (Sorex) coronatus Millet, 1828 | |||||||||||||||||||
 Distribución de Sorex coronatus.
| |||||||||||||||||||
| Sinonimia | |||||||||||||||||||
| |||||||||||||||||||
O furafollas grande[2] (Sorex coronatus) é unha especie de mamífero soricomorfo da familia Soricidae.
Características
[editar | editar a fonte]O furafollas grande presenta un aspecto corporal semellante ao da Sorex araneus, mais con dimensións lixeiramente menores. Aínda que o pelame amosa unha notable variación xeográfica, xeralmente é tricolor, co lombo pardo escuro, os francos máis claros e o ventre pardo agrisado.
Distribución
[editar | editar a fonte]Ocupa o suroeste de Europa, dende o norte de España até o curso do río Elba, en Alemaña e o extremo occidental de Austria. Tamén está presente na illa de Xersei (Reino Unido). A súa distribución ibérica comprende a franxa setentrional, dende o extremo oriental de Galicia até o noroeste do Pireneo catalán e norte do Sistema Ibérico.
Hábitat
[editar | editar a fonte]É unha especie de requirimentos basicamente atlánticos. Ocupa unha gran variedade de hábitat, aínda que require chans húmidos con boa cobertura vexetal, coma os bosques caducifolios, mixtos e de coníferas, así como prados alpinos, subalpinos e atlánticos. Na Península Ibérica a súa distribución abrangue dende o nivel do mar até os 2.200 metros. É probable que, como acontece en Centroeuropa, nas zonas que coexiste co Sorex araneus, a súa presenza fica confinada a zonas de menor altitude, debido á existencia dunha exclusión mutua entre ambas as especies.
Depredación
[editar | editar a fonte]Polos seus hábitos crepusculares e nocturnos é unha especie depredada principalmente por rapaces nocturnas, como a curuxa (Tyto alba), o bufo real (Bubo bubo) e o bufo pequeno (Asio otus), e por certos mamíferos carnívoros, como o armiño (Mustela erminia), o tourón (Mustela putorius).
Notas
[editar | editar a fonte]- ↑ Meinig, H. & Aulagnier, S. (2016). "Sorex coronatus". Lista Vermella da IUCN (IUCN) 2016: e.T29663A2792030. doi:10.2305/IUCN.UK.2016-3.RLTS.T29663A2792030.en. Consultado o 15 de decembro de 2019.
- ↑ Atlas de vertebrados de Galicia. Santiago, Sociedade Galega de Historia Natural-Consello da Cultura Galega, 1995
Ligazóns externas
[editar | editar a fonte]- (en) Sorex (Sorex) coronatus, en Wilson, D. E. & Reeder, D. M. (editors). 2005. Mammal Species of the World. A Taxonomic and Geographic Reference (3rd ed). Visto o 23 de marzo de 2020.
- (es) Sorex coronatus no Atlas da biodiversidade do Ministerio de Medio Ambiente (MMA). Arquivo en pdf.
Véxase tamén
[editar | editar a fonte] |
Wikispecies posúe unha páxina sobre: Furafollas grande |
 |
Wikimedia Commons ten máis contidos multimedia na categoría: Furafollas grande  |