Danilo Gallinari

Danilo Gallinari

(2012)
Biografía
Nacemento	8 de agosto de 1988 (36 anos) Sant'Angelo Lodigiano, Italia
Datos persoais
País de nacionalidade	Italia
Altura	209 cm
Peso	106 kg
Actividade
Ocupación	baloncestista
Período de actividade	2004 -
Lingua	Lingua italiana
Nacionalidade deportiva	Italia
Deporte	baloncesto
Liga	National Basketball Association
Posición de xogo	Ala-pivote e Ala
Número deportivo	8
Convocado por	New York Knicks
Traxectoria   Equipo - Olimpia Milano - Los Angeles Clippers - Oklahoma City Thunder - Atlanta Hawks - Denver Nuggets - New York Knicks - Unione Cestistica Casalpusterlengo (pt) - Pallacanestro Pavia - Seleção Italiana de Basquetebol (pt)
Participou en
2021	Basquetebol nos Jogos Olímpicos de Verão de 2020 - Masculino (pt) (5º)
2019	Campionato do Mundo de Baloncesto de 2019
2015	Campionato europeo de baloncesto de 2015
2011	Campionato europeo de baloncesto de 2011

Danilo Gallinari, nado o 8 de agosto de 1988 en Sant'Angelo Lodigiano, é un xogador italiano de baloncesto profesional que xoga nos Milwaukee Bucks da National Basketball Association (NBA).

Gallinari comezou a xogar profesionalmente no ano 2004 no Casalpusterlengo,^[1] equipo da Serie B1 (terceira división italiana).

En 2005, Gallinari foi fichado polo Armani Jeans Milano. Estes o mandaron ao Edimes Pavia, equipo da segunda división italiana, durante a tempada 2005-06 para xogar moitos minutos e gañar experiencia. Tan só xogou a metade da tempada debido a unha lesión, pero no ano 2006 foi nomeado para o mellor xogador italiano da segunda división, onde fixo 14.3 puntos, 3.4 rebotes, 2.0 roubos e 0.8 asistencias por encontro en 17 partidos.^[2]

En 2006, foi rechamado polo AJ Milano para xogar a tempada 2006-07 con eles na primeira división, e na ULEB Eurocup, a segunda gran competición europea. Na súa primeira tempada, Gallinari foi nomeado coma o mellor xogador da liga de 22 anos ou menos, acadando 10.9 puntos, 4.0 rebotes, 1.7 roubos e 1.0 asistencias por partido en 34 encontros da liga regular, e 11.5 puntos, 3.7 rebotes, 2.1 roubos e 0.9 asistencias en 8 partidos de playoffs.^[3] Ademais, gañou o concurso de triplas do All-Star italiano en 2007.

Na súa derradeira tempada no Milano,^[4] na tempada 2007-08, fixo 17.5 puntos, 5.6 rebotes, 2.0 roubos e 1.3 asistencias por partido en 33 encontros da tempada regular, e 18.1 puntos, 6.5 rebotes, 1.8 roubos e 1.5 asistencias por partido en 8 encontros de playoffs.^[5]

Gallinari foi elixido na 6ª posición do Draft da NBA de 2008 polos New York Knicks, e asinou un contrato por dous anos co equipo.^[6]

O 22 de febreiro de 2011, Gallinari foi traspasado aos Denver Nuggets nun traspaso a tres bandas, que incluíu tamén aos Minnesota Timberwolves, e que levou a Carmelo Anthony e a Chauncey Billups a Nova York.^[7]

Durante o lockout da NBA de 2011, volveu un tempo a Italia para xogar outra vez no Emporio Armani Milano.^[8]

• Páxina Web Oficial de Danilo Gallinari (en italiano) (en inglés)
• Perfil en NBA.com (en inglés)
• Estatísticas en BasketballReference.com Arquivado 30 de decembro de 2021 en Wayback Machine. (en inglés)