Dolph Lundgren

Dolph Lundgren

Biografía
Nacemento	(sv) Hans Lundgren 3 de novembro de 1957 (67 anos) Spånga, Suecia (en)
Residencia	Os Ánxeles
Relixión	Luteranismo
Educación	Instituto Real de Tecnologia (pt) Universidade Estatal de Washington Universidade de Sydney Universidade Clemson (pt)
Actividade
Ocupación	químico, boxeador, modelo, karateka, actor de cinema, culturista, guionista, enxeñeiro, actor, judoka, director de cinema, produtor de cinema, realizador
Período de actividade	1978 -
Deporte	Karate judo
Familia
Cónxuxe	Anette Qviberg (1994–2011)
Parella	Grace Jones
Fillos	Ida Lundgren  () Greta Lundgren  ()
Premios
(2016)  Premio Máquina do Tempo  Programa Fulbright
Descrito pola fonte	Obálky knih,

Dolph Lundgren, nado en Estocolmo o 3 de novembro de 1957, é un actor, director e artista marcial sueco. Pertence á xeración de actores que representaban o estereotipo do heroe de acción, xunto con Sylvester Stallone, Chuck Norris, Arnold Schwarzenegger, Bruce Willis, Steven Seagal e Jean-Claude Van Damme.

Ten unha carreira de química pola Universidade Estatal de Washington, estudou enxeñaría química no Real Instituto de Tecnoloxía de Estocolmo a comezos da década de 1980, e ten un máster de enxeñaría química da Universidade de Sydney en 1982. Lundgren ten o cinto negro 3º dan en karate kyokushin e foi campión de Europa en 1980 e 1981. En Sidney, converteuse en gardacostas da cantante xamaicana Grace Jones e comezou unha relación con ela. Xuntos mudáronse a Nova York, e despois dun breve período como modelo e porteiro dun club de Manhattan, Jones conseguiulle un pequeno papel no filme de James Bond 007: Panorama para matar.

O grande éxito de Lundgren chegou co filme Rocky IV de 1985, no que interpretou o boxeador ruso Ivan Drago. Dende entón, apareceu en máis de 40 filmes, a maioría deles no xénero de acción. Interpretou a He-Man no filme de 1987 Masters of the Universe, e a Frank Castle en The Punisher. A comezos de 1990, apareceu en filmes como Dark Angel (1990); Showdown in Little Tokyo (1991), a carón de Brandon Lee; Universal Soldier (1992) con Jean-Claude Van Damme; Fuga mortal (1993), con Kristian Alfonso e George Segal; Johnny Mnemonic (1995), con Keanu Reeves; e Blackjack (1998), dirixido por John Woo. No 2004, Lundgren dirixe o seu primeiro filme, The Defender, e posteriormente rodaría The Mechanik (2005), Missionary Man (2007), Command Performance (2009) e Icarus (2010), que tamén protagonizou. Dende 1995 só participou en filmes "directamente para vídeo", e non será até 2010 cando regrese á gran pantalla con The Expendables, a carón doutros actores de acción como Stallone, Jason Statham, Jet Li, Stone Cold Steve Austin e Mickey Rourke. Volveu facer de Gunner Jensen en The Expendables 2 (2012) e The Expendables 3 (2014).

Wikimedia Commons ten máis contidos multimedia na categoría:  Dolph Lundgren

• Páxina oficial (en inglés)
• Dolph Lundgren na IMDb (en inglés).