Na Galipedia, a Wikipedia en galego.
O golfo de Nápoles (en italiano golfo di Napoli) é un golfo do mar Tirreno (mar Mediterráneo) que se encontra na costa suroeste de Italia.
No golfo encóntrase, ao norte, a cidade de Nápoles —capital da rexión da Campania e da cidade metropolitana de Nápoles— e a de Pozzuoli. Entre os lugares destacábeis están as antigaa cidades romanas de Pompeia e Herculano e o volcán Vesuvio, situado ao leste do golfo. Ao sur, cerra o golfo a península Sorrentina, cuxa principal cidade é Sorrento. Esta península separa o golfo de Nápoles do golfo de Salerno.
O golfo está limitado polas illas de Capri, Ischia e Procida.
A rexión é un importante destino turístico en Italia pola beleza a súa costa e illas, e polas ruínas romanas de Pompeia e Herculano, destruídas durante a erupción do Vesuvio do ano 79.
