Buster Crabbe

Buster Crabbe

Biografía
Nacemento	(en) Clarence Linden Crabbe, II 7 de febreiro de 1908 Oakland, Estados Unidos de América
Morte	23 de abril de 1983 (75 anos) Scottsdale, Estados Unidos de América
Causa da morte	infarto agudo de miocardio
Lugar de sepultura	Arizona
Outros nomes	Buster Crabb
Educación	Universidade do Sur de California
Actividade
Ocupación	actor de cinema, Corredor de bolsa, actor de televisión, actor, nadador, especialista de cinema
Período de actividade	1930 -
Xénero artístico	Wéstern
Nacionalidade deportiva	Estados Unidos de América
Deporte	natación
Traxectoria   Equipo Competición - USC Trojans
Participou en
1932	Xogos Olímpicos de 1932  (medalla de ouro olímpica)
1932	swimming at the 1932 Summer Olympics – men's 400 metre freestyle (en)  (medalla de ouro olímpica)
1928	Xogos Olímpicos de 1928  (Medalla de bronce olímpica)
1928	swimming at the 1928 Summer Olympics – men's 1500 metre freestyle (en)  (Medalla de bronce olímpica)
Familia
Fillos	Susan Crabbe
Pais	Edward Clinton Crabbe   e Agnes Lucy McNamara
Premios
International Swimming Hall of Fame (pt)  estrela no Paseo da Fama de Hollywood
Descrito pola fonte	Obálky knih,

Clarence Linden Crabbe II, nado en Oakland (California) o 7 de febreiro de 1908 e finado en Scottsdale (Arizona) o 23 de abril de 1983, coñecido profesionalmente como Buster Crabbe, foi un actor de cinema e televisión e nadador olímpico estadounidense^[1] Gañou a medalla de ouro nos Xogos Olímpicos de 1932, o que lanzou a súa carreira no cinema e na televisión. Protagonizou numerosos filmes e seriais populares entre 1933 e a década de 1950,^[2] interpretando os tres heroes da banda deseñada máis populares da década de 1930: Tarzán, Flash Gordon e Buck Rogers.

Crabbe era fillo de Lucy Agnes McNamara (1885-1959) e o axente inmobiliario Edward Clinton Simmons Crabbe I (1882-?). Naceu en Oakland e tivo un irmán, Edward Clinton Simmons Crabbe II (1909-1972). Crabbe creceu en Hawai e graduouse na Punahou School de Honolulu. Estudou na Universidade do Sur de California, onde foi o primeiro nadador All-America (1931) así como posuidor dun título da National Collegiate Athletic Association en 1931 en estilo libre. Tamén fixo parte da fraternidade Sigma Chi antes de graduarse en 1931.

Crabbe era un gran nadador e participou en dous Xogos Olímpicos, Ámsterdam 1928, onde gañou a medalla de bronce nos 1500 metros libres, e Os Ánxeles 1932, en que gañou a medalla de ouro nos 400 metros libres. Nestes últimos bateu o francés Jean Taris por unha décima de segundo.^[3][4]

Crabbe participou no Aquacade de Billy Rose na Exposición Xeral de Nova York durante o segundo ano, en 1940, substituíndo a Johnny Weissmüller.

O papel de Crabbe no serial de cinema de 1933 Tarzan the Fearless foi o lanzamento dunha carreira de éxito en que o actor traballou en máis de cen filmes. Esa foi a única produción en que Crabbe interpretou a personaxe de Tarzán. En King of the Jungle (1933), Jungle Man (1941), e no serial de 1952 King of the Congo, interpretou papeis de "home da selva", mais non exactamente de Tarzán.^[5]

Tamén encarnou o protagonista de Search for Beauty (1934), e o seu seguinte papel principal foi en 1936 como Flash Gordon no popular serial homónimo, personaxe que interpretou en dúas secuelas, estreadas por Universal en 1938 e 1940.

Outras personaxes que interpretou foron Billy the Kid, Buck Rogers e un membro da súa fraternidade real no filme musical The Sweetheart of Sigma Chi. Nalgúns dos seus filmes foi acreditado como Larry Crabbe ou Larry (Buster) Crabbe. O seu compañeiro na maioría dos seus westerns foi o actor Al St. John.

Crabbe actuou na serie televisiva Captain Gallant of the Foreign Legion (1955 a 1957), interpretando o Capitán Michael Gallart. A serie emitiuse en NBC. O seu fillo, Cullen Crabbe, actuou no programa como "Cuffy Sanders".

Crabbe actuou de xeito regular na televisión, incluíndo un episodio da serie de 1979 Buck Rogers in the 25th Century, en que interpretou un piloto de combate retirado chamado "Brigadier Gordon" en honra de Flash Gordon.

A carreira cinematográfica de Crabbe declinou nas décadas de 1950 e 1960. Porén, nese período Crabbe dedicouse aos negocios e traballou como corretor.

A mediados da década de 1950 adquiriu o campus da antiga escola Adirondack-Florida School preparatoria nas proximidades de Onchiota, Nova York, nos montes Adirondack. Renomeada como Buster Crabbe's Meenahga Lodge,^[6] empregouse para que rapaces de oito a catorce anos practicasen a natación, con polo menos un instrutor hawaiano. Ademais, no verán representábanse algunhas obras musicais baixo a guía de varios expertos en arte dramática.

Durante esa época, Crabbe sumouse á compañía fabricante de piscinas Cascade Industries Inc. como promotor e voceiro da mesma, permanecendo nela ata o seu pasamento.

A pesar de todas estas actividades, nunca abandonou a interpretación e continuou a traballar en numerosos filmes con baixos orzamentos. Unha das súas interpretacións realizouna na longametraxe de 1982 The Comeback Trail un ano antes de falecer. Tamén acutou en anuncios televisivos^[7] para compañías como Hormel Chili e Magic Mold Bodyshirt.

En 1965, foi incluído no International Swimming Hall of Fame. Durante a súa carreira de natación como sénior, Crabbe estableceu 16 récords do mundo e 35 récords nacionais.^[8] Continuou a nadar despois de cumprir sesenta anos e en 1971 estableceu unha marca mundial para o seu grupo de idade.^[9]

Buster Crabbe faleceu o 23 de abril de 1983, aos 75 anos, por mor dun infarto agudo de miocardio en Scottsdale, Arizona,^[2] e foi enterrado no cemiterio Green Acres Memorial Gardens.

En 1933, casou con Adah Virginia Held (1912–2004) e deuse un ano para converterse en actor. Se non o conseguía, comezaría a estudar leis na Universidade do Sur de California.

Crabbe e a súa esposa tiveron dúas fillas, Sande e Susan, e un fillo, Cullen. En 1957, Sande faleceu de anorexia nerviosa con 20 anos.^[10]

Crabbe é o avó materno do adestrador de fútbol universitario Nick Holt.^[11]

• The Arizona Raiders (1936) como "Laramie" Nelson
• Gunfighters of Abilene (1960) como Kip Tanner
• Arizona Raiders (1965) como Captain Andrews
• The Bounty Killer (1965) como Mike Clayman
• Alien Dead (1980) como Sheriff Kowalski
• The Comeback Trail (1982) como Duke Montana

Seriais

• Tarzan the Fearless (1933) como Tarzán
• Flash Gordon (1936) como Flash Gordon
• Flash Gordon's Trip to Mars (1938) como Flash Gordon
• Red Barry (1938) como Red Barry
• Buck Rogers (1939) como Buck Rogers
• Flash Gordon Conquers the Universe (1940) como Flash Gordon
• Last of the Redmen (1947) como Magua
• The Sea Hound (1947) como Captain Silver
• Pirates of the High Seas (1950) como Jeff Drake
• King of the Congo (1952) como Captain Roger Drum e "Thun'da"

• Buster Crabbe at Brian's Drive-In Theater
• Buster Crabbe biography by Chuck Anderson
• Tarzan the Fearless en Internet Archive