Borås

Borås
Localización
	57°43′02″N 12°56′45″L / 57.717104, 12.945726
Estado	Suecia
Condado	condado de Västra Götaland
Municipios	Borås (municipio)
Capital de	Borås (municipio)
Poboación
Poboación	74.042 (2020) (2.513,31 hab./km²)
Xeografía
Superficie	2.946 ha
Altitude	143 m-143 m
Creación	1621
Identificador descritivo
Código postal	50110–50899
Fuso horario	UTC+01:00, horario estándar; UTC+02:00, horario de verán
Prefixo telefónico	033
Outro
Irmandado con	sen valor
Páxina web	boras.com…

Borås é unha cidade que se atopa no país escandinavo de Suecia. Foi recoñecida como cidade en 1621.

Tivo un importante desenvolvemento na súa industria téxtil a finais do século XIX e comezos do século XX, e sede de importantes firmas comerciais de vendas por catálogo (mail order). O carácter comercial da súa historia naceu cos comerciantes ambulantes, chamados knalle ou knallarna, que percorrían a rexión no século XVI, vendendo os seus produtos.

Actualmente segue mantendo a súa calidade de situación xeográfica estratéxica ao ser un punto central entre as cidades de Gotemburgo, Jönköping e tamén da veciña Noruega; sendo sede de importantes centros comerciais e industriais, e de puntos turísticos e culturais.

É tamén unha cidade universitaria, xa que a Högskolan i Borås (Escola Superior de Borås) acolle distintas titulacións superiores, repartidas entre dous centros: a Textilhögskolan (Escola Superior de Estudos téxtiles) e a Bibliotekshögskolan (Escola de Biblioteconomía).^[1] En 2017 a universidade contaba con 11 000 estudantes e 730 traballadores aproximadamente.^[2]

Integrados neste campus destacan o Museo Téxtil e o Textile Fashion Center.^[3]

Datos xeográficos

A finais de 2017 tiña unha poboación de 111 026 habitantes, cunha idade media de 40.6 anos.^[4] Abarca unha superficie total de 29.61 km cadrados.

Distritos

Subdistrito municipal de Göta

Subdistrito municipal de Sjöbo

Subdistrito municipal de Brämhult

Subdistrito municipal de Norrby

Subdistrito municipal de Centrum (centro)

Subdistrito municipal de Sandhult

Vida cultural

Un dos eventos culturais máis importantes é a edición anual de No Limit, un certame de arte de rúa que congrega numerosos artistas que realizan murais, instalacións e esculturas por toda a cidade, convertendo desta maneira o espazo público nunha sala de exposición aberta. A primeira edición tivo lugar en setembro de 2014. Este certame ten alcanzado moita proxección tanto a nivel nacional como internacional.^[5]