Ahmad ibn Fadlan
| Nome orixinal | (ar) أحمد بن فضلان  |
|---|---|
| Biografía | |
| Nacemento | c. 879 valor descoñecido |
| Morte | c. 960 (80/81 anos) |
| Relixión | Islam |
| Actividade | |
| Lugar de traballo | Bulgaria do Volga |
| Ocupación | explorador, diplomático, xeógrafo, viaxeiro |
| Período de actividade | (Con vida en: século X ) |
| Obra | |
Obras destacables
| |
| Descrito pola fonte | Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron |
Ahmad ibn Fadlān ibn al-Abbās ibn Rāšid ibn Hammād (en árabe: أحمد بن فضلان بن العباس بن راشد بن حماد) foi un escritor e viaxeiro árabe do século X que escribiu unha crónica das súas viaxes como membro da embaixada do Califato Abasí de Bagdad ó rei dos protobúlgaros do Volga, o Kitāb ilà Malik al-Saqāliba (كتاب إلى ملك الصقالبة). O seu relato é moi coñecido, xa que proporciona unha descrición dos viquingos do Volga, incluíndo o seu testemuño ocular dun enterramento viquingo cun barco funerario.
A embaixada
[editar | editar a fonte]Ahmad ibn Fadlan foi enviado dende Bagdad en 921 para servir como secretario dun embaixador do califa abasí Al-Muqtadir ó iltäbär (rei vasalo baixo os kházaros de Bulgaria do Volga, Almış.
O obxectivo da embaixada consistía en que o rei da capital Bolghar rendese homenaxe ó califa al-Muqtadir e, en troques, dar ó rei cartos para financiar a construción dunha fortaleza, dunha mesquita e para converter aos protobúlgaros ao islam. Aínda que acadaron Bolghar, a misión fracasou porque á altura do Volga, a caravana foi apresada por un grupo de viquingos, os Rus, de onde procede o nome de Rusia, que os levaron canda si, para realizar as súas campañas nórdicas.
Xa de volta, Ibn Faldlan entregoulle un documento ó califa, amosando as causas polas cales non puido completar a misión que lle mandaran. Con base a este documento, espallado por todo o mundo, Michael Crichton escribiu a súa obra Eaters of the Dead; a cal á súa vez, serviu de base para o filme The 13th Warrior.
