Cleopatra I de Exipto

Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes.

Cleopatra I de Exipto

Nome orixinal	(grc) Κλεοπάτρα Σύρα
Biografía
Nacemento	c. 204 a. C.
Morte	176 a. C. (27/28 anos)
Actividade
Ocupación	raíña rexente
Período de tempo	Período helenístico
Outro
Título	Raíña rexente Princesa
Familia	Dinastía Tolemaica
Cónxuxe	Ptolemeu V Epifânio
Fillos	Ptolemeu VIII Evérgeta II, Ptolemeu VI Filometor, Cleópatra II
Pais	Antíoco III Magno   e Laódice
Irmáns	Laodice IV Seleuco IV Filopáter Antíoco IV Epifânio Antióquida Antiochus
Descrito pola fonte	Dicionario Enciclopédico Brockhaus e Efron Paulys Realenzyklopädie der klassischen Altertumswissenschaft, (sec:Kleopatra 14)

Cleopatra I Sira (grego: Κλεοπάτρα ἡ Σύρα; c. 204 – 176 BC) foi unha princesa do Imperio Seléucida, raíña do Antigo Exipto polo seu matrimonio con Ptolomeo V e rexente do Antigo Exipto durante a minoría de idade do seu fillo, Ptolomeo VI, desde a morte do seu marido no 180 a.C. até a súa morte no 176 a.C.

Formou parte da Dinastía tolemaica, da cal descendería Cleopatra VII un século despois.

Cleopatra era a filla de Antíoco III o Grande, rei do Imperio Seléucida, e da raíña Laodice III.

No 197 a.C, Antíoco III capturou varias cidades en Asia Menor, anteriormente baixo o control do reino tolemaico de Exipto. Os romanos apoiaron os intereses exipcios, cando negociaron co rei Seléucda en Lysimachia no196 a.C. En resposta, Antíoco III indicou a súa disposición para facer a paz con Ptolomeo V e para casar a súa filla Cleopatra con Ptolomeo V. Comprometéronse no 195 a.C, tendo lugar o matrimonio no 193 a.C. en Raphia.^[1] Naquel tempo Ptolomeo V tiña preto de 16 anos e Cleopatra aproximadamente 10 anos. Máis tarde, os reis tolemaicos argumentaron que Cleopatra recibira as zonas de Celesiria como dote e que, por tanto, ese territorio pertencía a Exipto. Este asunto é moi debatido, e é posible que o pai dela rexeitase dito acordo.^[2] Con todo, na práctica, a Celesiria ficou en posesión seléucida despois da Batalla de Panium no 198 a.C.^[3]

En Alexandría, Cleopatra era referido coma a siria.^[4] Como parte do culto tolemaico foi honrada co seu marido coma Theoi Epiphaneis. En liña coa tradición exipcia antiga de matrimonio entre irmáns, ela mesma era a irmá (grego antigo: ἀδελφή:, adelphḗ) de Ptolomeo V. Un sínodo de sacerdotes celebrado en Memphis no 185 a.C. concedeu a Cleopatra todas as honras que eran dadas a Ptolomeo V no 196 a.C. (presente na inscrición bilingüe da pedra de Rossetta).

Ptolomeo V morreu inesperadamente en setembro do 180 a.C., con tan só 30 anos de idade. O fillo de Cleopatra I, Ptolomeo VI, quen tiña só seis anos, foi coroado inmediatamente, con Cleopatra como co-rexente. Ela foi a primeira raíña tolemaica en gobernar sen o seu marido. En documentos deste período, Cleopatra é nomeada Thea Epiphanes e o seu nome aparece antes do de Ptolomeo. As moedas eran acuñadas baixo a autoridade conxunta dela e o seu fillo.^[5]

Xusto antes a súa morte, Ptolomeo V comezara a planear unha nova guerra contra o reino seléucida, mais Cleopatra inmediatamente acabou coas preparacións de guerra e perseguiu unha política pacífica, debido ás súas raíces seléucidas e porque unha guerra ameazaría o seu control do poder.^[6][7] Cleopatra probablemente morreu a finais do 178 ou a principios do 177 a.C., aínda que algúns eruditos colocan a súa morte a fins do 176 a.C.^{[8] [9]}

No seu leito de morte, Cleopatra nomeou a Eulaeus e Lenaeus, dous dos seus máis íntimos asociados, coma rexentes. Eulaeus, un eunuco, era o titor de Ptolomeo. Lenaeus era un escravo sirio que probabelmente vira a Exipto como parte do séquito de Cleopatra tas ela casar.^[10] O par non foi capaz ou careceu da vontade para evitar a deterioración de relacións co reino seléucida que culminaron na desastrosa Sexta Guerra siria.

Cleopatra e Ptolomeo V tiveron tres fillos:^[11][12]

Nome	Imaxe	Nacemento	Morte	Notas
Ptolomeo VI Philometor		Maio/Xuño 186 a.C.	145 a.C.	Ascendeu ao trono como Rei baixo a rexencia da súa nai no ano 180 a.C., co-rexente e esposo de Cleopatra II desde o 170 ata o 164 a.C. e de novo dende o 163 ata o 145 a.C.
Cleopatra II		186-184 a.C.	6 abril 115 a.C.	Co-rexente e muller de Ptolomeo VI desde 170 ata 145 a.C., co-rexente e cónxuxe de Ptolomeo VIII desde 145 ata 132 a.C., proclamouse gobernante única desde 132 ata 127 a.C., co-rexente e esposa de Ptolomeo VIII outra vez desde 124 ata 115 a.C., co-rexente con Cleopatra III e Ptolomeo IX desde 116 ata 115 a.C.
Ptolomeo VIII		c. 184 BC	26 xuño 116 BC	Co-rexente con Ptolomeo VI e Cleopatra II desde 169 ata 164 a.C., expulsou a Ptolomeo VI en 164 a.C., foi expulsado á súa vez en 163 a.C., Rei de Cirenaica desde 163 ata 145 a.C., co-rexente con Cleopatra II e Cleopatra III desde 145 ata 132 a.C. e outra vez desde 124 ata 116 a.C.

Transcrición xeroglífica que representa o nome ou sinatura:

Nome:

ḳ l w pȝ t r ȝ (Qleupatra) Cleopatra

• Grainger, John D. (2010). The Syrian Wars. pp. 281–328. ISBN 9789004180505. 
• Hölbl, Günther (2001). A History of the Ptolemaic Empire. London & New York: Routledge. pp. 143–152 & 181–194. ISBN 0415201454. 
• Morkholm, Otto (1961). "Eulaios and Lenaios". Classica et Medievalia 22: 32–43. 

• Stähelin, Kleopatra 14). En: Realencyclopädie der Classischen Altertumswissenschaft, vol. XI 1, 1921, col. 738–740.
• Werner Huß, Ägypten en hellenistischer Zeit (Exipto no Hellenistic Período). Múnic 2001, p. 499; 514f.; 535; 537–540.
• Günther Hölbl, Geschichte des Ptolemäerreichs (Historia do Ptolemaic Imperio). Darmstadt 1994, p. 125; 127f.; 147f.; 153.

• Dinastía tolemaica, en narmer.pl
• Xenealoxía, reis e reinos da dinastía tolemaica de Exipto