Claudio Barragán

Claudio Barragán

Nome orixinal	(es) Claudio Barragán Escobar
Biografía
Nacemento	10 de abril de 1964 (60 anos) Manises, España
Outros nomes	el Litri
Altura	177 cm
Peso	75 kg
Actividade
Ocupación	futbolista, adestrador de fútbol
Nacionalidade deportiva	España
Deporte	fútbol
Posición de xogo	Dianteiro
Traxectoria   Equipo 1980–1984   Levante UD 30 (1) 1982–1983 → cesión:  AD Ceuta 1982–1983 → cesión:  Agrupación Deportiva Ceuta 1984–1989   Elche CF 149 (33) 1989–1991   RCD Mallorca 56 (11) 1991–1995   Deportivo da Coruña 114 (35) 1995–1996 UD Salamanca 42 (12) 1996–2000   Elche CF 103 (19)   Selección nacional 1992–1993   España 6 (0)   Adestrador –   Elche CF

Claudio Barragán Escobar, nado en Manises (València) o 10 de abril de 1964, é un exfutbolista e actual adestrador de fútbol español. Xogaba de dianteiro e foi internacional coa selección española.

A fama tardou en chegarlle por problemas físicos no seu xeonllo que lle impediron facer unha mellor progresión. Típico dianteiro centro, remataba coas dúas pernas aínda que era destro e tiña un moi bo remate de cabeza.

Pertenceu ao RCD Mallorca, que en 1992 xogou a final da Copa do Rei onde destacou xunto con xogadores como Miguel Ángel Nadal, Álvaro Cervera Díaz, ou Marcos Martín e o porteiro Ezaki Badu.

No Deportivo da Coruña viviu os seus mellores anos deportivos, facendo xunto a Bebeto a gran dianteira do denominado "Superdépor", coa aliñación formada en numerosas ocasións por Liaño, Albístegui, Nando, Ribera, Miroslav Đukić, López Rekarte, Mauro Silva, Adolfo Aldana, el mesmo, Fran e Bebeto. Gañou unha Copa do Rei na tempada 1994-95.

Na tempada 1995–96 fichou polo acabado de ascender UD Salamanca, xogando 38 partidos e anotando 11 goles. O equipo non puido evitar o descenso como último clasificado.

Na campaña 1996–97 firmou polo Elche CF, en Segunda División B. Esa tempada lograron o ascenso a Segunda División, logo de quedar segundos e pasar a eliminatoria. Na tempada 1997–98 o equipo non puido evitar o descenso á categoría de bronce, logrando novamente volver a Segunda División tras a campaña 1998–99. Na tempada 1999–00 lograron a permanencia, ano no que Claudio rescindiu o seu contrato, con 35 anos.

Entre 2002 e 2004, Claudio xogou no Alone de Guardamar.

En 1992 Claudio xogou 6 partidos coa selección española, onde non conseguiu ningún gol.

Na tempada 2008–09 fíxose cargo do Elche. Foi destituído o 4 de outubro de 2009 debido ao mal inicio da tempada e despois de perder co Hércules CF, máximo rival, (3–0).

De cara a tempada 2014–15 non renovou coa Ponferradina, sendo substituído por José Manuel Díaz.

O 7 de decembro de 2016 anunciouse a súa contratación polo CD Mirandés até o remate da tempada 2016–17, de Segunda División, en substitución de Carlos Terrazas.^[1]

Deportivo

• Copa do Rei: 1994–95

• Datos do xogador en bdfutbol.com (en castelán)
• Datos do adestrador en bdfutbol.com (en castelán)