Callitris

Callitris
Callitris preissii
Clasificación científica
Reino: Plantae División: Pinophyta Clase: Pinopsida Orde: Pinales Familia: Cupressaceae Subfamilia: Callitroideae Xénero: Callitris Vent., 1808
Especies
Véxase o texto
Sinonimia
Véxase o texto

Callitris é un xénero de coníferas da familia das cupresáceas (Cupressaceae), subfamilia das calitroideas (Callitroideae).

Actualmente recoñécnse dentro do xénero 16 especies, das que 13 son propias de Australia e as outras 3 (C. neocaledonica, C. pancheri e C. sulcata) son endémicas de Nova Caledonia.^[1]

As principais características da plantas deste xénero son:^[2]

• Son pequenas ou medianas árbores ou grandes arbustos perennifolios, que miden de 5 a 25 m de altura, chegando até os 40 m en C. macleayana.
• As follas son escamentas, excepto nas plantas novas de sementeiros, que son aciculares; en C. macleayana as follas aciculares encóntranse mesturadas coas escamentas ao longo de toda a vida da árbore. As escamas están dispostas en seis fileiras ao longo das ramiñas, en verticilos de tres (frecuentemente en verticilos de catro en C. macleayana).
• conos masculinos son pequenos, de 3 a 6 mm de lonxitude, e se encontran no extremo esterior das ramiñas.
• Os conos femininos son igualmnte inconspicuos, madurando tras 18 ou 20 meses, e miden de 1 a 3 cm de longo e de ancho; son de forma de globular a ovoide (agudos en C. macleayana), e teñen seis escamas superpostas, grosas, leñosas, dispostos en dous verticilos de tres (a miúdo, 8 escamas en C. macleayana).
• As piñas permanecen pechadas nas árbores durante moitos anos, abrindo soamente despois de ser queimadas nun incendio; daquela, liberan as sementes, que xerminan no solo queimado.

O xénero foi descrito en 1808 polo botánico e relixioso francés Étienne Pierre Ventenat, na súa obra Decas Generum Novorum, aut parum Cognitorum.^[3][4]

O xénero inclúe as especies seguintes:^[1]

• Callitris baileyi
• Callitris canescens
• Callitris columellaris
• Callitris drummondii
• Callitris endlicheri
• Callitris macleayana
• Callitris monticola
• Callitris muelleri
• Callitris neocaledonica
• Callitris oblonga
• Callitris pancheri
• Callitris preissii
• Callitris rhomboidea
• Callitris roei
• Callitris sulcata
• Callitris verrucosa

O xénero coñécesa tamén polos sinónimos seguintes:^[1]

• Frenela Mirb.
• Cyparissia Hoffmanns.
• Octoclinis F. Muell.
• Leichhardtia T. Steph. ex Gordon
• Nothocallitris A. V. Bobrov & Melikyan
• Neocallitropsis Florin ^[5]

O nome científico Callitris é un derivado irregular do elemento latino calli-,^[6] calco do grego antigo καλλί- kallí-, que deriva de κάλλοσ kállos, "beleza", "fermosura".^[7]

Wikimedia Commons ten máis contidos multimedia na categoría:  Callitris

Wikispecies posúe unha páxina sobre:  Callitris

• Farjon, A. (2005): Monograph of Cupressaceae and Sciadopitys. Royal Botanic Gardens, Kew. ISBN 1-8424-6068-4.
• Farjon, A. (2010): A Handbook of the World's Conifers. 2 Vols. Leiden: Koninklijke Brill. ISBN 978-9-0474-3062-9.
• Rushforth, Keith D. (1987): Conifers. Nova York City, Nova York, USA: Facts on File. ISBN 978-0-8160-1735-5. ISBN 0-7470-2801-X.

• Cupresáceas

• Callitris Ventenat 1808 en The Gymnosperm Database.
• Callitris na EOL.
• Callitris Arquivado 12 de xaneiro de 2018 en Wayback Machine. en Fossilworks.