Cabila

Cabila é un termo de orixe árabe (قبيللة, qabīla, plural قبائل, qabāʾil) empregado para designar as tribos bérberes do Norte de África, especialmente no norte de Marrocos e Alxeria^[1] e os territorios que tradicionalmente ocupan. O termo adóitase confundir co pobo bérber que habita a Cabilia, unha rexión montañosa do norte de Alxeria .

Segundo a definición do antropólogo David Montgomery Hart, unha cabila é unha "unidade homoxénea e independente política e socialmente que ocupa unha zona determinada".

Durante o Protectorado Español de Marrocos, na primeira metade do século XX, as cabilas foron a base da organización territorial político-administrativa.^[2] Cada unha delas era gobernada por un caid (alcaide), agás aquelas que se resistiron a aceptar a estrutura administrativa colonial, as cales foron administradas directamente por gobernador militares.^[2]

1. ↑ "Cabila". academia.gal. Consultado o 1-5-2020. 
2. ↑ ^{2,0 2,1} Vilanova (2010)

• Villanova, José Luis (xaneiro-decembro 2010). "La organización territorial del Protectorado español en Marruecos". Revista de Estudios Internacionales Mediterráneos (en castelán) (Madrid: Universidade Autónoma de Madrid) (9). ISSN 1887-4460.