Åsa Larsson

Åsa Larsson

(2012)
Biografía
Nacemento	28 de xuño de 1966 (58 anos) Uppsala, Suecia
Residencia	Mariefred (pt)
Educación	Universidade de Uppsala
Actividade
Ocupación	Avogada e escritora
Xénero artístico	Novela policial
Obra
Obras destacables (2003) Sun Storm (en) (2004) The Blood Spilt (en)
Premios
(2012)  Best Swedish Crime Novel Award (en) , premiado polo traballo The Second Deadly Sin (en) (2006)  Autor do ano (2004)  Best Swedish Crime Novel Award (en) , premiado polo traballo The Blood Spilt (en)
Descrito pola fonte	Obálky knih,

Åsa Elena Larsson, nada en Uppsala (Suecia) o 28 de xuño de 1966, é unha escritora sueca de novela negra, creadora da avogada Rebecka Martinsson, protagonista das súas obras.

Aínda que naceu en Uppsala, educouse en Kiruna a partir dos catro anos e actualmente vive en Mariefred. Estudou Dereito na Universidade de Uppsala e exerceu a súa profesión no campo das leis tributarias antes de dedicarse a escribir. Confesou que descubrira o pobre que era a súa vida durante a baixa maternal: "Buscaba a diversión dentro da miña cabeza", explicou en Bilbao, agregando que a atopou na literatura, tanto como lectora ou como escritora.^[1]

Educouse no laestadianismo, un movemento luterano conservador,^[2][3] e cre que o seu afán por escribir novela negra vén das súas lecturas infantís da Biblia, que afirma, "está chea de historias violentas". O seu pai, bibliotecario e de ideas comunistas, guiouna cara á literatura.^{[2][3][4][5][6]}

Coa súa primeira obra editada en España en 2009, Solstorm (traducida como Aurora Boreal), en cinco meses, vendera 110.000 exemplares en 14 edicións, segundo datos da propia editorial.^[6]

A protagonista das súas novelas, Rebecka Martinsson, tamén estudou leis en Uppsala, e as historias transcorren na vila mineira de Kiruna, situada preto do círculo polar ártico.

En 2007, o director sueco Leif Lindblom levou ao cine Solstorm,^[7][8] a primeira novela de Larsson, que fora publicada catro anos antes.

Non garda ningún parentesco co famoso escritor sueco Stieg Larsson, a pesar da coincidencia do apelido, pero si é neta do esquiador olímpico Erik August Larsson que gañou unha medalla de ouro na olimpiada de 1936.^[9]

• Premio da Asociación de Escritores Suecos de Novela Negra 2003 á mellor ópera prima por Solstorm (en galego: Aurora boreal)
• Mellor Novela Negra de Suecia 2004 por Det blod som spillts
• Pluma de Prata da Feira do Libro de Bilbao 2010 por Solstorm.^[10]
• Mellor Novela Negra de Suecia 2012 por Till offer åt Molok

1. Solstorm, (2003), trad. de Mayte Giménez e Pontus Sánchez, ed. Seix Barral.
2. Det blod som spillts, (2004), trad. de Mayte Giménez e Pontus Sánchez, ed. Seix Barral.
3. Svart stig, (2006), trad. de Mayte Giménez e Pontus Sánchez, ed. Seix Barral.
4. Till dess din vrede upphör, (2008), trad. de Mayte Giménez e Pontus Sánchez, ed. Seix Barral.
5. Till offer åt Molok, (2012), trad. de Mayte Giménez e Pontus Sánchez, ed. Seix Barral.

• 2003 - Upptäck jorden
• 2005 - Aurinkomyrsky
• 2007 - Systrarna Hietala (historias curtas)
• 2009 - Guds starka arm (coescrito con Lena Andersson)
• 2012 - Tjernaja Tropa

• Páxina oficial Arquivado 25 de setembro de 2019 en Wayback Machine. de Åsa Larsson en castelán
• Páxina de Larsson en Seix Barral Arquivado 25 de setembro de 2019 en Wayback Machine.
• Páxina de Larsson en Random House, en inglés