Illas Marianas

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2020.)

Illas Marianas

Mariana Islands (en)
Epónimo	Mariana de Austria
Localización
16°42′N 145°47′L / 16.7, 145.78
Protectorado	Nova Guinea alemá
Contén a división administrativa	Guam Illas Marianas do Norte
Poboación
Poboación	201.165 (2020) (197,61 hab./km²)
Xeografía
Superficie	1.018 km²
Bañado por	Océano Pacífico e North Pacific Ocean (en)
Altitude	965 m
Punto máis alto	Agrihan (965 m)
Identificador descritivo
Fuso horario	UTC+10 (pt)

As Illas Marianas son un exemplo clásico dun arco volcánico, unha cadea de montañas ou illas volcánicas en arco, localizadas en zonas de subdución de placas tectónicas, neste caso, na rexión do océano Pacífico occidental onde a Placa do Pacífico se atopa coa Placa de Filipinas.

Atópanse a norte das Illas Carolinas, que forman os Estados Federados de Micronesia, a preto de 2000 km a norte de Nova Guinea e aproximadamente á mesma distancia de Filipinas, a suroeste, e do Xapón, a noroeste.

Son 15 illas, cunha orientación aproximada norte-sur, das cales a que fica máis ao sur, Guam é un territorio dos Estados Unidos de América e as restantes 14 forman o “Estado Libre Asociado” (ou Commonwealth) das Marianas do Norte, tamén dependentes dos Estados Unidos.

As Illas Marianas son a parte sur dunha cordilleira mergullada que se estende 2.519 km. desde Guam ata preto do Xapón. Xeograficamente, as Marianas forman parte dunha rexión máis grande chamada Micronesia, situada entre o 13° e o 21°N de latitude e o 144°E e 146°E de lonxitude.

As Illas Marianas teñen unha superficie total de 1 008 km² (389 sq mi).^[1] Están compostos por dúas unidades administrativas:

• Guam, un territorio dos Estados Unidos
• As Illas Marianas do Norte (incluíndo as illas de Saipan, Tinian e Rota), que forman un Estado libre asociado.

A cadea de illas consta xeograficamente de dous subgrupos, un grupo setentrional de dez illas principais volcánicas, todas están actualmente deshabitadas; e un grupo meridional de cinco illas de pedra calcaria coralina (Rota, Guam, Aguijan, Tinian e Saipan), todas habitadas excepto Aguijan. No grupo volcánico do norte alcánzase unha elevación máxima duns 820 metros, hai cráteres que mostran sinais de actividade e os terremotos son habituais. Os arrecifes de coral bordean as costas das illas do sur, teñen unha lixeira elevación.

O punto máis baixo da codia terrestre, a Fosa das Marianas, está preto das illas e recibe o seu nome.

As illas foron “descubertas” por Fernão de Magalhães en 1521, que as declarou colonia española e as apelidou de "Las Islas de los Ladrones", (Illas dos Ladróns), xa que despois de achegarse a elas coa súa frota debilitada polo escorbuto os nativos roubáronlles un dos botes dos barcos, a tripulación recuperouno despois de incendiar as vivendas dos habitantes das illas.^{[Cómpre referencia]} En 1668 o nome das illas foi mudado para Las Marianas, en homenaxe a Mariana de Austria, viúva do rei Filipe IV de España.

Practicamente toda a poboación nativa foi exterminada durante o dominio español e, máis tarde, foron repoboadas por nativos doutras illas da Micronesia.^{[Cómpre referencia]} A colonia española foi vendida á Alemaña en 1899 e tomada polos xaponeses en 1914, que a tornaron nunha zona militar. Durante a segunda guerra mundial, os “Marines” aterraron alí a 15 de xuño de 1944 e gañaron a Batalla de Saipan, que durou 3 semanas.

Despois da derrota do Xapón, as illas pasaron a ser administradas polos EUA, como parte do Protectorado das Illas do Pacífico das Nacións Unidas. Na década de 1970, os seus habitantes decidiron-se, non a favor da independencia, mais de lazos máis fortes cos EUA e, o 1 de xaneiro de 1978 foi aprobada a constitución do seu estatuto actual.

• Volcano World - Basic Geology of the Mariana Islands.