espiña

• Etimoloxía: do latín spina.

• Pronuncia: /esˈpiɲa̝/ (AFI)

espiña (sg: espiña; pl: espiñas)

1. (Botánica) Puga que posúen algunhas plantas.
   • Exemplo: Esa roseira ten unhas espiñas tremendas.
     
     
   • Sinónimos: puga.
2. Cada unha das pezas óseas, delgadas e agudas, do esqueleto dos peixes óseos (osteíctios), que saen das vértebras, así como as que soportan as aletas.
   • Exemplo: O malo do congro son as espiñas que ten.
     
     
3. Conxunto do esqueleto dos peixes.
   • Exemplo: Ás anchoas hai que sacarlles ben a espiña.
     
     
4. (Anatomía) Espiñazo, columna vertebral.
   • Sinónimos: espiña dorsal, cerrizo, correlo.
5. Gran de graxa na cara e, ás veces, noutras partes do corpo.
   • Sinónimos: gran.
6. (Figurado) Pesar fondo e duradeiro.
   • Exemplo: A morte da filla foi unha espiña toda a súa vida.
     
     
   • Sinónimos: mágoa.
7. (Arquitectura) Plataforma duns dous metros de ancho que dividía a pista dos circos romanos en dúas metades lonxitudinais.
   • Exemplo: Nos circos máis importantes, a espiña estaba decorada con estatuas e obeliscos.
     
     

• Francés: (1) épine ^(fr), (2,3) arête ^(fr).
• Portugués: espinha ^(pt)

• Espiña bífida: malformación das últimas vértebras da columna, que provoca a protrusión da medula.
• Espiña dorsal
• Dar [algo ou alguén] mala espiña: intuír que algo ou alguén vai causar problemas, provocar receo. Parece bo tipo, pero a min dame mala espiña
• Sacarse a espiña: recuperarse dunha perda, normalmente económica.