1256

Sa paj ka konsèrné lannen 1256 di kalandriyé julyen.

• Annèksyon di Tibet pa mongol Ouriyang-daï à partir di Yunnan (finisman an 1256). Li ka kontré ki enpé di rézistans.

• 2 janvyé : Houlagou Khan, fondatò di dinasti-a dé Ilkhans, ka pasé l'Amou-Daria pou rantré an Pers asou lakèl i ka régné jouk 1265. I ka rousouvwè konpliman-yan di soultan di Rum é di atabeg-a di Fars, ensi ki lonmaj-a di nonbré prens di Lazi ògsidantal (Irak, Khorasan, Azerbaïdjan, Arran, Chirwan, Jéyòrji)

• Mars : koumansman di lagèr-a di Saint-Sabas(di non di monastè d’Acre ki Dé parti-ya ka dispité yé kò), di 1256 à 1258, ant Génois (apiyé pa Philippe di Montfort é Lòspitalyé-ya) é Vénisyen-yan (apiyé pa kont-a di Jaffa ké Tanpliyé-ya). Lagèr naval-a ka pourswiv yé kò pa dé tchòk di lanmen dé Vénitiens kont Tyr, dé Génois kont Acre, jouk roun akò définitif ki konkli pa antromiz di Louis IX an 1270. Pise ka an lagèr kont Gênes jouk 1288. Atè Tripoli, Bohémond VI divèt briga an menm tan Tanpliyé-ya é so vasal-ya génois, Embriaci, ségnò di Gibelet.