Hadada-ibis

hadada-ibis
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift pilekaaneftigen (Pelecaniformes) famylje wylpreagerfûgels (Threskiornithidae) skaai Afrikaanske griene ibissen (Bostrychia)
soarte
Bostrychia hagedash
Latham, 1790
IUCN-status: net bedrige

De hadada-ibis (Bostrychia hagedash) is in fûgelsoarte út 'e famylje ibissen en leppelbekken (Threskiornithidae) dy't besuden de Sahara yn Afrika libbet. De namme "hadada" is in onomatopee (klankneibearing) basearre op it lûd dat dizze fûgel makket.

De hadada-ibis is 65 oant 76 sm lang en weecht likernôch 1250 gram. De fûgel is (ôfhinklik fan 'e ûndersoarte) griis oant grien. De snaffel is griis en read en fan 'e snaffel rint oant ûnder it each in opfallende wite streek. De wjukken hawwe in brûnskleurige en pearse glâns.

De fûgel makket fral by it lemieren fan 'e dei en de skimerjûn in hurd en rau lûd, dat as 'ha-da-ha' giet. Dêrfandinne de namme fan 'e ibis.

De hadada-ibis komt yn in grut part fan Afrika foar yn in biotoop dat bestiet út bosk oan rivieren en streamkes en wiet gerslân. Fierder is de fûgel op wiete kultuergrûn te sjen. De hadada-ibis siket yn pearkes of lytse groepkes nei wringeleaze dierkes.

De soarte is te ferdielen yn trije ûndersoarten:

• Bostrychia hagedash nilotica (Sûdan en Etioopje oant yn it noardwest fan Kongo-Kinsjasa en Uganda en it noardwest fan Tanzania)
• Bostrychia hagedash brevirostris (Senegal en Kenia oant yn Sambia en it noarden fan Mozambyk.
• Bostrychia hagedash hagedash (súdlik Afrika).

De hadada-ibis hat in grut ferspriedingsgebiet en nimt nei alle gedachten yn oantal ta. Dêrom stiet de fûgel op 'e Reade list fan 'e IUCN as 'net bedrige' klassifisearre.

Boarnen, noaten en/as referinsjes:

Dizze side is alhiel of foar in part in oersetting fan 'e Dútsktalige Wikipedyside; sjoch foar de bewurkingsskiednis: de:Hagedasch (ferzje 28 april 2024) Birdlife, oproppen 30 april 2024 Avibase, oproppen 30 april 2024 Commons  Ofbylden dy't by dit ûnderwerp hearre, binne te finen yn de kategory Hadada-ibis fan Wikimedia Commons.