Naruhito

Naruhito (徳仁 Tokyo, 23 Fevrâr 1960) al è il 126° Tennō (Imperadôr dal Gjapon).

Il so nom iperial al è Reiwa (biele armonie) e quant che i gjaponês lu mençonin 'e doprin simpri chist nom e mai Naruhito, c'al è il nom secolâr. Fi dal imperadôr emerit Akihito (nom imperial Heisei), al è sucedût al pari il prin di mai dal 2019 e al è stat incoronât 'ntal mês di otobre dal stes an. Quant c'al murarà al vignarà ricuardât cul nom Reiwa (令和), c'al è ancje il nom dal periodo dal so Imperi (令和時代 Reiwa jidai).

Par rivolgissi a lui i gjaponês 'e doprin i titui Tennō Heika (天皇陛下, So Maestât l'Imperadôr), Kinjō Heika (今上陛下, So Maestât Regnante), Kinjō Tennō (今上天皇, Imperadôr Regnant) o, plui raramentri, dome Tennō (天皇, Imperadôr, Sovran dal Cîl).

Al è deventât Princip ereditari al trono dal crisantem dopo c'al è muart so nono, l'Imperadôr Hirohito, avignude il 7 di zenâr 1989. L'Imperadôr al è famôs pa'so ativitât inte operis caritatevolis c'al faseve soredut intant c'al ere Princip ereditari.

Al è sposât cun l'Imperatrice Masako (皇后雅子, Kōgō Masako), nassude Masako Owada (小和田 雅子). Le coppie 'e à une fîe, Aiko (愛子).

Dopo velu anunciât cun cinc mês di anticip, so pari Akihito al à abdicât il 30 di avrîl 2019. Cu'l'ascese al trono di Naruhito, ajé scomençade l'ere Reiwa, designazion uficiâl dal so periodo di reign presentade il 1º di avrîl 2019 dal Prim Ministro Shinzō Abe, che ûl disi "Biele armonie". Second une interpretazion de controverse Dichiarazion de nature umane dal Imperadôr, promulgade di so nono Hirohito intal 1946, Naruhito al è il second Imperadôr dal Gjapon a là sul trono senza vè prerogativis divinis.

Laureât in storie a l'Universitât Gakushūin di Tokyo, dopo vè imparat ben l'inglês al è lât a studià al Merton College 'nte Universitât di Oxford in Ingletiere fin al 1989. Al à publicât li'memoris sul so periodo inglês.

Discendent, secont le tradizion, dal prin Imperadôr Jimmu e de dee dal soreli Omikami Amaterasu, al è fi dal Imperadôr emerit Akihito e de Imperatrice emerite Michiko. So nono al ere l'Imperadôr Hirohito. Al à un fradi e une sûr plui zovins, il Princip ereditari Akishino e le ex Principesse Sayako, che à piardût il titul par vè sposât un omp comun. Intal 1993 al à sposât Masako Owada, fîe di un important diplomatic gjaponês. Il prin di dicembre dal 2001 ajé nassude le lor fîe ugnule, le Principesse Aiko.^[1] Par un pôc il governo gjaponês al veve pensât di permeti ancje a li'feminis di là sul trono e cambià le leç che lu permet dome ai mascjos, ma intal 2006 al è nassût Hisahito, il fi di Akishino, fradi plui zovin di Naruhito e so erede al trono. Di che volte il cambiament de leç si è blocât e le Principesse Aiko ajé restade fûr de linie di sucession imperiâl.

• Apasionât di alpinism e trekking, intant c'al studiave in Ingletiere al à scjalat li'montagnis dal Ream Unît.
• Cultôr di musiche classiche, al sune il viulin e le viole.
• Intal convit di Oxford indulà c'al durmive quant c'al ere student al veve picjât inte so cjamare un poster di Brooke Shields.

• [1], Activities of Their Majesties the Emperor and Empress

1. ↑ https://www.kunaicho.go.jp/e-about/history/history02.html