Sueben

Tekst üüb Öömrang

A Sueben (uk: Sweben, Sueven, Suawen, latiinsk Suebi of Suevi, ualgreks Σούηβοι/Σόηβοι So(u)ēboi) wiar en skööl faan germaans fulken.

Jo haa tesken a Ialew uun't waasten, a Oder uun't uasten, at Uastsia uun't nuurden an at Erzgebirge uun't süüden lewet. Amanbi diar, huar ans a DDR (Uastsjiisklun) wiar.

A Sueben wurd uk üs Ialew-Germaanen betaikent, an det wiar Hermunduren, Langobarden, Markomannen, Quaden, Semnonen an (ferlicht uk) a Bastarnen. Jo san leederhen tu Alamannen, Bajuwaaren an Thüringern wurden. A Langobarden toog tu Nuurditaalien.

A maaner druch en knoot uun't hiar, det wiar en tiaken för hör freihaid uun't jindial tu slaawen. Faan di nööm 'Sueben' kem a Swaaben uf, diar uun Süüdwaastsjiisklun lewe.

• 
  Suebenknoot uun't hiar faan en muurlik.
• 
  Suebenknoot uun't woopen faan Osterby bi Eckernförde.

 Commonskategorii: Sueben – Saamlang faan bilen of filmer