Darug (Spriik)

Tekst üüb Fering

Darug (uk Dharug, Eora of det Sydney Language), as en ütjstörwen spriik faan a lidj uun a Darug Stam an wurd uun't regiuun faan Sydney, Austraalien, snaaket. A spreegers faan't spriik wenet twesken de Hawkesbury River uun a nuurd tu de George's River uun a süüd an faan det Tasman-Sia uun a uast tu de Hawkesbury River uun a waast. Uun a nuurd wurd det Kuring-gai Spriik, uun a süüd det Tharawal Spriik an uun a waast Wiradjuri Spriik snaaket.

Darug hiart tu det Yuin-Kuri skööl faan dön Pama-Nyungaans Spriiken an hed tau hoodspriikwiisen: Eora uun a uast an Darug uun a waast. De letst spreeger stoorew uun't leed 19. juarhunert of uun't ääder 20. juarhunert. At spriik wurt nü weler turaghaalet.

Pronoomen:

• ngaya: ik.
• nyindi of ngindi: dü.
• nanu: hi.
• ngali: wi tau (ik an dü)

Hög wurden faan det Darug Spriik wurd uun't Ingels auernimen.

Diarten:

• dingu „dingo“
• gula „koala“
• wollabi „wallaby“
• wambad „wombat“

Buumer an plaanten:

• garrajung „kurrajong“
• mayal „myall“
• warada „waratah“

• warami: gud dai
• yuin: jä
• biyal: naan
• yanu: adjis

• dyin: wüf
• mulla: maan
• iyora: lidj

• wiyanga: mam
• biyanga: aatj
• babana: bruler
• djurumin: saster

Uun Deetsember 2020 soong Olivia Fox uun det Tri Nations Test Match twesken Austraalien an Argentiinien detheer werschuun (man ei en auersaating) faan't natschunaalhümn faan Austraalien üüb Darug^[1]:

Australiagal^[2] ya’nga yabun
Eora budgeri
Yarragal Bamal Yarrabuni
Ngurra garrigarrang
Nura mari guwing bayabuba
Diara-murrahmah-coing
Guwugu yago ngabay burrabagur
Yirribana Australiagal
Garraburra ngayiri yabun
Yirribana Australiagal

• J.L. Kohen, 1990, A dictionary of the Dharug language: the inland dialect, Blacktown and District Historical Society.

1. ↑ ‘Spine-tingling’: Rugby viewers praise Australian national anthem sung in First Nations language, sbs.com.au
2. ↑ -gal bedjüset familjinskööl, diaram as Australiagal „a familjinskööl faan Austraalien“.