Funksjón

Funksjónir lýsa eintýdda sambandið millum óhefta og hefta variabulin. Sambandið verður ásett á ymiskan hátt, so sum við rokniforskrift, við rás, við talvu og við algoritmu. Funksjón er forskrift, sum til ein og hvønn lut ${\displaystyle (x)}$ í frummongdini knýtir júst eitt tal, ${\displaystyle f(x)}$, í virðismongdini. Skipað talpar eru tvey tøl, sum eru skipað í raðfylgju: Skipað talpør verða skrivað í klombrum og við komma millum tølini, til dømis ${\displaystyle (-3,5)}$. At talpør eru skipað, merkir, at eitt nú ${\displaystyle (1,2)}$ er ikki tað sama sum ${\displaystyle (2,1)}$. Fyrra talið í einum skipaðum talpari verður nevnt fyrri liður. Seinna talið í einum skipaðum talpari verður nevnt seinni liður. Eru eingir 1. liðir eins stórir í einari relatión, nevna vit hana funksjón. Eina mongd av skipaðum talpørum nevna vit eina relatión. Mongdina av 1. liðum í einari funksjón nevna vit frummongd, og mongdina av 2. liðum nevna vit virðismongd. Sambandið millum 1. liðirnar og 2. liðirnar í einari funksjón nevna vit forskrift. Hon verður ofta skrivað ${\displaystyle f(x)}$, men eisini við øðrum bókstøvum, til dømis ${\displaystyle h(x)}$ ella ${\displaystyle g(x)}$.

Ein linjurøtt funksjón er ein funksjón við forskriftini ${\displaystyle f(x)=ax+b}$, har ${\displaystyle a}$ og ${\displaystyle b}$ eru konstantar. ${\displaystyle a}$ verður nevnt halltalið, og ${\displaystyle b=f(0)}$ er skeringin við uppásina. Í krosskipanum verða linjurættar funksjónir teknaðar sum linjurættar myndir, vanliga kallaðar rættar linjur.

• 
  Hetta er funksjón, tí eingir 1. liðir eru eins. Talpørini ${\displaystyle (2,C)}$ og ${\displaystyle (3,C)}$ hava sama 2. lið, men tað hevur einki at siga.
• 
  Hetta er ikki funksjón. Talpørini ${\displaystyle (2,B)}$ og ${\displaystyle (2,C)}$ eru ymisk, men tey hava sama 1. lið.

• Polynom á øðrum stigi