Wolfgang Amadeus Mozart

Wolfgang Amadeus Mozart
Enhormación pressonal
Nombri de nacencia	Joannes Chrysostomus Wolfgangus Theophilus Mozart
Nombre en alemán	Johann Chrysostomos Wolfgang Gottlieb Mozart
Nacencia	27 de enero de 1756 Salzburgo (Principado-Arzobispal de Salzburgo, Sacru Emperiu Romanu Germánicu)
Muerti	5 de diciembre de 1791 Viena (Archiducado de Austria, Sacru Emperiu Romanu Germánicu)
Causa de muerti	valor desconocido
Sepoltura	Cementerio de San Marcos
Lengua materna	Alemán
Caraitirísticas físicas
Altol	1,63 m
Familia
Pairis	Leopold Mozart Anna Maria Mozart
Cónyugi	Constanze Mozart (1782-1791)
Enhormación profissional
Oficiu	Componeol, profesor de música, pianista, tocaol, organista y violinista
Ária	Ópera, sinfonía, concierto, música de cámara, quinteto de cuerda, cuarteto de cuerda, música sinfónica, música sacra, música crássica, música e interpretación de piano
Añus ativu	1761-1791
Empreaol	Hieronymus von Colloredo José II de Habsburgo
Movimientu	Clasicismo
Génerus	Clasicismo musical, sardana, música de cámara, ópera y sinfonía
Estrumentus	Órgano, clavicordio, clavecín, fortepiano, violín, viola y pianu
Destincionis	Orden de la Espuela de Oro (1770)
Firma
[editar datos en Wikidata]

Wolfgang Amadeus Mozart hue un compositol austriacu. Duranti la su brevi vía escrebió más de 600 labutus de música. P'abonda henti, que hue unu e los mehoris compositoris de la música de tolos tiempus. Tuvu nacéncia ena ciá de Salburgu el 27 d'eneru e 1756. Entri los prencipalis labutus destacan las óperas Don Giovanni i Die Zauberflöte (La Frauta Máhica). El su labutu esmienza con un minuet qu'escrebió deque tenía cuatru añus i amenida col su parti acaberu, el Requiem. Tamién sonaba el pianu mu puliu. Espenó el 5 e diciembri e 1791 deque tinía 35 añus.

La música Mozart, endigual que la de Haydn, es la más emportanti lo que se huchea estilu crásicu. Nel inti nel que encetaba a componel, el perió Barrocu estaba a amenidal. Lo que petaba estaba a cámbeal en música. La horma, el rimu i lo puliu gorviéronsi más emportanti qu'el contrapuntu. Mozart hue el primel gran compositol qu'escrebió música pal pianu, un estrumentu c'acabihaba e gorvelsi populal. Escrebió abati tolas crasis de música: sinfonías, óperas, conciertus pa solus, música e cámara, especialmenti cuartetus i quintetus pa cuelda, i sonata pa pianu. Tamién escrebió abonda música relihiosa, encluyendu música pa masas, endigual que música populal, cumu valsis, divertimentus i serenatas.

Las sus tres sinfonías son pulius labutus maestrus. Los sus conciertus, especialmenti los de pianu, son más avanzaus que ná que s'aiga escrebiu endenantis. Inque Mozart comportábasi amenú cumu un dagalinu, hue mu tunu pa entendel el caraiti umanu. Estu puei velsi enas sus óperas, ondi entroúci abondus efetus sutilis pa descrebil los presonahis ena estória.

Endigual c'abondus labutus maestrus, asina Mozart escrebió nun estilu más populal, encluyendu angunas melodías que tol mundu conoci uguañoti. La su serenata Eine kleine Nachtmusik, el El Rondu Turcu de la su Sonata pa Piano en La, el abrieru e la Sinfonía nº 40 en Sol menol i la canción del cazaol de páharus de La Fráuta Máhica.

• El proyetu Mozart
• Mozart livecams Imáhinis en diretu e la casa ondi tuvu nacéncia Mozart, del Monumentu pa Mozart i tal i más.

• En Commons ai conteníu multimedia sobre Wolfgang Amadeus Mozart.