Uyuniko gatzaga

Uyuniko gatzaga
Uyuniko gatzaga
Datu orokorrak
Garaiera	3.661 m
Mota	Gatz-lautada, turismo-atrakzioa eta solonchak (en)
Luzera	140 km
Zabalera	110 km
Azalera	10.582 km²
Geografia
Koordenatuak	20°20′00″S 67°42′00″W / 20.33333°S 67.7°W
Estatu burujabe	Bolivia
Boliviaren banaketa administratiboa	Oruroko departamendua
Hidrografia
Betebidea	ikusi Colorado River (en) ; Puka Mayu (en) ;

Uyuniko gatzaga^[1] (gaztelaniaz: Salar de Uyuni), Tunupako gatzaga ere deitua, gatzezko basamortua da, munduko handiena. Boliviako Altiplanoan dago, Potosíko departamenduan, 3.661 metroko garaieran.^[2] 10.582 kilometro koadroko eremua hartzen du.^[3]

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Munduko zortzi leku muturreko: Uyuniko gatzaga da munduko lekurik lauena.

Duela 40.000, urte aintzira handi bat zegoen han: haren ura lurrundutakoan, gatz-lautada sortu zen. Gatz geruzak 120 metroko sakonera du; guztira, hamar mila milioi tona gatz duela kalkulatzen da. Gatz hori ustiatu egiten da: urtero 25.000 bat tona gatz ateratzen dira, baita boro, potasio, magnesio eta litio ugari ere. Hain zuzen ere, munduko litio-erreserba handienetako bat da.^[4]

Turistentzako jomuga desiragarria ere bada, Boliviako lekurik bisitatuenetako bat baita, urtean 60.000 bisita baititu. Azaroa inguruan joaten da turista gehien, izan ere, garai horretako euriek ur-geruza fin batez estalita uzten dute gatz-lautadaren zati handi bat. Itxura magikoa hartzen du orduan. Gainera, sasoi horretan hiru flamenko-espezieren ugalketa-leku ere da. Bestalde, ikusgarriak dira halaber lautadaren erdiko Isla del Pescado uharteko kaktus erraldoiak, 10 metrorainokoak.^[4]

Erreferentziak

↑ Euskaltzaindia. (2012-05-25). 170. araua: Amerikako toponimia. .
↑ Uyuniko gatzaga, ia erabat laua. Elhuyar aldizkaria, 238. zenbakia, 2008/01/01, CC-BY-SA-3.0, aldizkaria.elhuyar.eus (Noiz kontsultatua: 2019-3-7).
↑ Encyclopædia Britannica - Uyuni Salt Flat, britannica.com
↑ ^a ^b Uyuni, gatzezko desertua. Elhuyar aldizkaria, 286. zenbakia, 2012/05/01, CC-BY-SA-3.0, aldizkaria.elhuyar.eus (Noiz kontsultatua: 2019-3-7).

Kanpo estekak

Datuak: Q76122
Multimedia: Salar de Uyuni / Q76122

[1] Euskaltzaindia. (2012-05-25). 170. araua: Amerikako toponimia. .

[2] Uyuniko gatzaga, ia erabat laua. Elhuyar aldizkaria, 238. zenbakia, 2008/01/01, CC-BY-SA-3.0, aldizkaria.elhuyar.eus (Noiz kontsultatua: 2019-3-7).

[3] Encyclopædia Britannica - Uyuni Salt Flat, britannica.com

[elhuyar-4] Uyuni, gatzezko desertua. Elhuyar aldizkaria, 286. zenbakia, 2012/05/01, CC-BY-SA-3.0, aldizkaria.elhuyar.eus (Noiz kontsultatua: 2019-3-7).

[1]

[2]

[3]

[4]