Ramón Basterra

Ramón Basterra
Irudi gehiago
Bizitza
Jaiotza	Bilbo, 1888ko martxoaren 14a
Herrialdea	Bizkaia, Euskal Herria
Heriotza	Madril, 1928ko ekainaren 17a (40 urte)
Hezkuntza
Hizkuntzak	gaztelania
Jarduerak
Jarduerak	diplomazialaria eta idazlea
Mugimendua	Noucentismea

Ramón Basterra Zabala (Bilbo, Bizkaia, 1888ko abuztuaren 31 – Madril, Espainia, 1928ko ekainaren 17a) poeta, diplomatiko eta idazle bizkaitarra izan zen.

Zuzenbidea eta diplomazia ikasi eta gero, diplomazian lan egiteari ekin zion Erroman (1915 eta 1917 artean), Bucaresten (1918) eta Caracasen (1924). Gero Madrila joan zen bizitzera.

Euzkadi, El Nervión, El Pueblo Vasco eta El Liberal egunkarientzako idatzi zuen eta Bilboko Lyon D'Or kagetegian eginiko "Escuela Romana del Pirineo" izeneko tertulian hartu zuen parte, Pedro Egilor, Jacinto Mikelarena, Pedro Mourlane Mitxelena, Fernando de la Quadra Saltzedo, Jose Felix Lekerika, Rafael Sanchez Mazas eta Joaquín Zuazagoitia lagunekin batera.

Zibilizazio grekolatino eta kristauaren aldeko sutsua izan zen. Halaber, bai hitz neurtuetan bai hitz lauz hispanidadearen gaia landu zuen; bera izan zen ideia horren aitzindari. Prosazko liburuen artean, nabarmentzekoak dira: La obra de Trajano (1921) eta Los navíos de la Ilustración (1925), Gipuzkoako Errege Konpainiari buruzkoa.

Poeta bukolikoa baitzen batez ere, Basterraren olerki gehienak Bilboko «Hermes» aldizkarian kaleratu ziren, gero zenbait liburutan bildu zirenak. Haietako batzuk: La sencillez de los seres (1923), sorterriko ikuskariak gogoratuz; Las ubres luminosas (1923); Vírulo, mocedades (1924); Vírulo, mediodía (1927).

• Las ubres luminosas, Madril/Bilbo: Miguel de Maeztu argitaratzailea, 1923.
• La sencillez de los seres, Madril: Renacimiento, 1923.
• Virulo. Poema de las mocedades, Madril: Renacimiento, 1924.
• Los labios del monte, Madril: Renacimiento, 1926.
• Vírulo. Mediodía, Madril: La Gaceta Literaria, 1926.
• Llama romance, Bilbo: Bizkaiko Foru Aldundia, 1971.
• Poesía, Madril: BSCH Fundazioa, 2001.

• Las alas de lino, Madril: Editora Nacional, 1941.

• Una empresa del siglo XVIII. Los Navíos de la Ilustración, Caracas: Imp. Bolívar, 1925.
• La obra de Trajano, Madril; Espasa Calpe, 1921.

• Papeles inéditos y dispersos de Ramón de Basterra. Madril: Kanpo Harremanetarako Ministerioa, 1970.

Wikimedia Commonsen badira fitxategi gehiago, gai hau dutenak: Ramón Basterra