Philip Glass

Philip Glass
Irudi gehiago
Bizitza
Jaiotzako izen-deiturak	Philip Morris Glass
Jaiotza	Baltimore, 1937ko urtarrilaren 31 (87 urte)
Herrialdea	Ameriketako Estatu Batuak
Lehen hizkuntza	ingelesa
Familia
Ezkontidea(k)	JoAnne Akalaitis (en)
Seme-alabak	ikusi Juliet Glass (en) Marlowe Glass (en)
Hezkuntza
Heziketa	Peabody Institute (en) Fontainebleau Schools (en) Chicagoko Unibertsitatea (1952 - : filosofia, matematika Juilliard School (en) (1956 - 1959)
Hizkuntzak	ingelesa
Irakaslea(k)	Nadia Boulanger Vincent Persichetti (en) William Bergsma (en) Darius Milhaud
Ikaslea(k)	ikusi Antonio Pinto
Jarduerak
Jarduerak	musikagilea, piano-jotzailea, soinu banda konpositorea, libretista eta supporting actor (en)
Lan nabarmenak	ikusi Symphony No. 7 (en) Monsters of Grace Symphony No. 4 (en) La Belle et la Bête (en)
Jasotako sariak	ikusi Arte eta Letren zalduna Praemium Imperiale  (2012) BAFTA Award for Best Original Music  (2003) : The Hours Glenn Gould Prize  (2015) James Parks Morton Interfaith Award Fulbright beka Fellow of the American Academy of Arts and Sciences Classic Brit Awards
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia Amerikako Sozietate Filosofikoa
Genero artistikoa	opera sinfonia Dixielanda Musika minimalista
Musika instrumentua	pianoa bass (en) bateria
Diskoetxea	Virgin Records
Sinesmenak eta ideologia
Erlijioa	budismoa judaismoa
philipglass.com

Philip Glass (Baltimore, 1937ko urtarrilaren 31) estatubatuar musikagilea da.

New Yorkeko Juilliard Akademian egin zituen ikasketak, eta 1960ko hamarraldian, Parisen, Nadia Boulanger musikologoaren ikasle izan zen. Parisko egonaldian ezagutu zuen orobat Ravi Shankar musikagile indiarra, eta orduan hasi zen haren musikarekin zaletzen. Haren eragina nabarmena da Glassen musikan, baina indiar musikaren osagaiak ez ezik, rock musikatik harturiko osagaiak, Afrikako musikarenak eta Ekialdeko musika klasikoarenak bateratu ditu bere obretan. Haren ustez musika-ikuskizuna ez da mugatu behar orkestrara; beste sentipen batzuk ere eragin behar ditu musika-ikuskizunak.

1960ko hamarraldiaren amaieran, Steve Reich, La Monte Young eta Terry Riley musikagileekin batera minimalismo izenez ezagutu den musika lantzen hasi zen Glass; harmonia soileko eta apenas bariaziorik gabeko musika-pasarteetatik abiatu eta pasarte horietan diseinuan eta erritmoan aldaketa txikiak sartuz, etengabeko errepikapenak egitea da musika-mota horren ezaugarri bereizgarria. Steve Reich eta Terry Riley izan dira, Ravi Shankarrekin batera, Glassen karreran eragin gehien izan duten musikagileak.

1964an 27 urte zituelarik, Parisera joan zen, garaiko konpositore abanguardista guztien irakasle izan zen Nadia Boulanger-ekin ikastera joan zen.

1968an, New Age mugimenduaren aitzindari nagusietakoa izan zen ganbera-musikako talde bat sortu zuen, The Philip Glass Ensemble, eta sarritan jo izan ditu teklatuak talde horretan. Diskoetxe bat ere sortu zuen, eta ondoko lan hauek eman zituen argitara: Music in Similar Motion and Music in 5ths (1973); Music in 12 Parts 1 eta Music in 12 Parts 2 (1974); North Star (1977); Solo Music (1978); Soho Music (1981). Bestalde, Einstein on the Beach (1976, Einstein hondartzan) opera sortu zuen Robert Wilsonekin, eta opera aipagarriak ditu, halaber, Satyagrama (1980), Mahatma Gandhiri buruzkoa, Akhnaten (1984); The Voyage (1992, Bidaia), Kristobal Kolonen aurkikuntza aipagai duena; eta, marrazki bizidunetako kontakizunetan oinarriturik, Orphée (1993, Orfeo); La Belle et la Bete (1994, Ederra eta piztia); eta Les Enfants Terribles (1996, Ume gaiztoak). Glass musika minimalistaren alorrean egindako lanengatik da, batez ere, ezaguna, baina ezin ahaztu daitezke zinemarako egindako soinu-bandak: Koyaanisqatsi dokumental abangoardista (1983); Mishima (1985); Candyman, adimenaren nagusitasuna (1992).

2002an The Hours filmarako egindako soinu-bandak jatorrizko musika onenaren saria jaso zuen BAFTA sarietan (Akademia Britainiarraren Zinema sarietan). Beste artista batzuen artean, Paul Simon, Linda Ronstadt, Yo-Yo Ma, eta Doris Lessingekin elkarlanean aritu izan da.

Wikimedia Commonsen badira fitxategi gehiago, gai hau dutenak: Philip Glass

• (Ingelesez) Philip Glassen web-orria