Showgirl

Showgirl antzerki-ikuskizun bateko dantzari edo antzezlea da, non antzezlearen ezaugarri fisikoak erakusten dituen, oro har, arropa probokatzailearen bidez, baita toplessen edo biluztasunaren bidez ere. Showgirlak sarritan musika eta dantzarekin lotzen dira.

Batzuetan, azoka eta erakustaldi komertzialetan erabiltzen den sustapen-modelo bati showgirl ere diogu.

Showgirlak XIX. mende amaierako Parisko music hall eta kabaretetan- tartean Moulin Rouge, el Lido edota Folies Bergère- agertu ziren.^[1] Folies Bergèren dantzaria zen Margaret Kelly irlandarra showgirl ekoizle eta irakasle ospetsuenentzat hartzen dute, baita showgirl formatu modernoaren sortzailetzat ere.^[2] Bigarren Mundu Gerraren ondoren, Donn Arden ekoizlearekin batera Parisko Lidon lanetan hasi zen. Bluebell Girls bere errebista-konpainia 1947tik aurrera oso ospetsu bilakatu ziren eta 1950eko hamarkadaren amaierarako mundu osoan ikuskizunak eginda zituzten.^[3]

Showgirl talde batek Las Vegasen lehendabizikoz 1952an lan egin zuten, ikuskizun nagusi baten hasieran eta amaieran dantza egiten. Danny Thomasen show batean izan zen Sands Hotelean. 1957an, Minsky's Follies taldeak Desert Innen bere ikuskizuna egin zuen eta horrela hasi zen Las Vegasko topless-showgirlen ikuskizunak. Laster Stardust Resort & Casino aretoan The Lido de Paris ikuskizuna egiteari ekin zuten, 31 urtez iraun zuena. Parisekin zetorren Donn Arden ekoizleak Jubilee! ikuskizuna sortu zuen, 1981 eta 2016 artean iraun zuena.^[4]

• Gold Diggers film sailean (The Gold Diggers, 1923; Gold Diggers of Broadway, 1929; Gold Diggers of 1933, 1933; Gold Diggers of 1935, 1935; Gold Diggers of 1937, 1936, eta Gold Diggers in Paris, 1938)
• Bolero filmeko Sally Rand aktoreak dantza batzuk egiten ditu.
• The Golddiggers taldeak 1968tik aurrera Dean Martinen The Dean Martin Showean agertu zen.
• Paul Verhoevenen 1995eko Showgirls filmean Elizabeth Berkley aktoreak showgirlen munduan sartzen da.
• Kylie Minogueren abesti batzuk showgirlen munduan girotuta daude.

• Vedette