Lilianna Lungina

Lilianna Lungina
Irudi gehiago
Bizitza
Jaiotzako izen-deiturak	Лилианна Зиновьевна Маркович
Jaiotza	Smolensk, 1920ko ekainaren 16a
Herrialdea	Errusiako Sobietar Errepublika Sozialista Federatiboa  Sobietar Errepublika Sozialisten Batasuna  Errusia
Heriotza	Mosku, 1998ko urtarrilaren 13a (77 urte)
Hobiratze lekua	Novodevitxi hilerria
Familia
Ezkontidea(k)	Semyon Lungin  1996ko urtarrilaren 29a)
Seme-alabak	ikusi Pavel Lungin (en)
Hezkuntza
Heziketa	Moscow Institute of Philosophy, Literature, and History (en)
Hizkuntzak	errusiera frantsesa
Jarduerak
Jarduerak	itzultzailea eta filologoa

Lilianna Zinovievna Lungina, jaiotzez Markovitx^[1], (errusieraz: Лилианна Зиновьевна Лунгина (Маркович); Smolensk, 1920ko ekainaren 16a – Mosku, 1998ko urtarrilaren 13a) errusiar-sobietar itzultzaile eta filologoa izan zen.

Lilianna Lungina 1920ko ekainaren 16an jaio zen Smolensken. Haren aita, Zinovi Markovitx, meatze-ingeniaria ofizioz, Anatoli Lunatxarski Hezkuntzarako Herri-Komisarioaren diputatua izan zen eta geroago merkataritzako ordezkaria, eta amak, Maria Libersonek, txotxongiloen antzokian lan egin zuen^[2].

Haurtzaroa Alemanian, Palestinan eta Frantzian eman zuen. 1934an Sobietar Batasunera itzuli zen^[3]. Moskuko 204. eskolan graduatu ondoren, Filosofia, Literatura eta Historia Institutuan ikasten hasi zen (ikasten ari zela, institutu hori Moskuko Estatu Unibertsitateko filologia fakiltatearekin bat egin zen). Geroago frantsesa eta alemana irakatsi zituen^[3][4].

Lunginaren oroitzapenen arabera, frantsesezko eta alemanezko liburuen itzulpenak argitaratzea ukatu zioten Sobietar Batasuneko ezkutuko antisemitismoa zela eta. Detskaia Literatura argitaletxean lan egin zuen Boris Gribanov lagunaren aholkuz, suedierazko haur eta gazte literatura itzultzen hasi zen^[4]. 1957an, Astrid Lindgrenen Lillebror och Karlsson på taket liburua itzuli zuen, eta geroago egile horren beste hiru liburu: Pippi Långstrump, Emil i Lönneberga eta Ronja Rövardotter^[3].

1990ean Les saisons de Moscou : 1933—1990 liburua idatzi zuen frantsesez^[3] eta Elle aldizkariaren saria irabazi zuen^[2].

Semion Lungin gidoilariaren emaztea eta Pavel Lungin zinema zuzendariaren ama zen^[5].

1998ko urtarrilaren 13an hil zen Moskun, eta Novodevitxie hilerrian lurperatu zuten^[3][6].

2009an, Podstrotxnik film dokumentala estreinatu zen, Lunginaren bizitzako azken urteetan grabatutako ahozko istorio batzuk biltzen dituena^[7]. Urtebete geroago izen bereko liburua agertu zen^[3].