John Bowring

John Bowring
Irudi gehiago
4. Governor of Hong Kong (en) 1854ko apirilaren 13a - 1859ko irailaren 9a ← George Bonham (en) - Hercules Robinson, 1st Baron Rosmead (en) → member of the 15th Parliament of the United Kingdom (en) 1847ko uztailaren 29a - 1849ko urtarrilaren 10a Barrutia: Bolton (en) Hautetsia: 1847 United Kingdom general election (en) member of the 14th Parliament of the United Kingdom (en) 1841eko ekainaren 29a - 1847ko uztailaren 23a Barrutia: Bolton (en) Hautetsia: 1841 United Kingdom general election (en) member of the 12th Parliament of the United Kingdom (en) 1835eko urtarrilaren 6a - 1837ko uztailaren 17a Barrutia: Kilmarnock Burghs (en) Hautetsia: 1835 United Kingdom general election (en) enbaxadore
Bizitza
Jaiotzako izen-deiturak	John Bowring
Jaiotza	Exeter, 1792ko urriaren 17a
Herrialdea	Britainia Handiko Erresuma  Britainia Handia eta Irlandako Erresuma Batua
Heriotza	Exeter, 1872ko azaroaren 23a (80 urte)
Familia
Aita	Charles Bowring
Ama	Sarah Jane Anne Lane
Ezkontidea(k)	Deborah Bowring (en)  (1860 -  ezezaguna)
Seme-alabak	ikusi John Charles Bowring (en) Lewin Bentham Bowring (en) Edgar Alfred Bowring (en) Frederick Hermann Bowring (en)
Hezkuntza
Hizkuntzak	ingelesa gaztelania italiera portugesa alemana nederlandera
Jarduerak
Jarduerak	ekonomialaria, politikaria, kazetaria, itzultzailea, editorea, diplomazialaria, idazlea, hymnwriter (en) eta poeta
Lantokia(k)	Londres Guangzhou eta Hong Kong
Jasotako sariak	ikusi Royal Societyko kidea Knight Commander of the Order of the Bath Fellow of the Royal Geographical Society
Kidetza	Royal Society Zientzien Bavariar Akademia Hungariako Zientzien Akademia Royal Geographical Society American Antiquarian Society (en) Arteen eta Zientzien Herbehereetako Errege Akademia
Sinesmenak eta ideologia
Erlijioa	unitarismoa
Alderdi politikoa	Radicals (en)

Sir John Bowring (Exeter, 1792ko urriaren 17a-Claremont, Devon, 1872ko azaroaren 23a) ingeles politikari, ekonomilari, hizkuntzalari, itzultzaile, hispanista, idazle eta bidaiari ingelesa, Hong Kongeko laugarren gobernadorea izan zen.

Familia puritanokoa baten altzoan jaiota, Jeremy Benthamen doktrina utilitaristen arabera hezi zuten.Atzerriko eta, bereziki, Europa Ekialdeko hizkuntza eta literaturak arretaz ikastegatik nabarmendu zen. Harremanak egin zituen Giuseppe Gasparo Mezzofanti eta Hans Conon von der Gabelentz hizkuntzalariekin. Poliglota paregabe hau berrehun hizkuntza ezagutzera eta ehunen bat mintzatzera iritsi zen; horretaz baliatu zen urruneko literaturak ezagutzera eman eta haien testurik esanguratsuenak itzultzeko. Esaterako, frantsesa, italiera, espainiera, portugesa, holandesa, alemana, suediera, daniera, errusiera, serbiera, poloniera eta txekiera menderatu zituen. Hungariera eta arabiera menderatzera iritsi zen eta beranduago mandarina, Txinan gehien mintzatzen den hizkuntza.

1811n Milford & Co. etxearen zerbitzura jarri zen eta 1813an Iberiar penintsulara igorri zuten, Iberiar Penintsulako Gerra bete-betean zegoelarik. Geroago bere kontura hasi zen lanean eta 1819. urtetik aurrera asko Europako hainbat herrialdetan zehar bidaiatu zuen.

1820. urtean Observations on the State of Religion and Literature of Spain lana argitaratu zuen. Liburuaren oinarrian ideia liberal eta erradikal sakonekoak zeuden; esaterako, beltzen salerosketaren etsaia zen eta 1821ean, espainieraz, Contestación a las observaciones de D. Juan Bernardo O'Gavan sobre la suerte de los negros de África lana argitaratu zuen Madrilen. 1835ean Britania Handiko Parlamentuan sartu zen. 1843an Manuscript of the Queen's Court lanaren itzulpena –txekiar abestien bilduma– argitaratu zuen. 1849an Erresuma Batuaren Guangdongeko kontsul izendatu zuten eta, jarraian, Hong Kongeko gobernadore, 1854ko apirilaren 13tik aurrera. Opioaren Bigarren Gerraren konplikazioekin egin zuen topo 1856tik 1860ra bitartean. 1855ean Siam bisitatu zuen eta merkataritza ituna negoziatu zuen Mongkut erregearekin, Bowring hitzarmena bezala ezagutzen dena, alegia. 1859ko martxoan hartu bazuen ere erretiroa, mandaturen bat egin zuen Italian, 1861ean, eta Belgika, Italia, Holanda, Espainia eta Suitzara negoziatzera bidali zuten. Beste ohore batzuen artean, 1854an Bainuen Ordenako (Order of the Bath) zaldun egin zuten eta Royal Societyren eta Royal Geographical Societyren kide ere izan zen.^[1]

• Specimens of the Russian Poets (1821–1823)
• Peter Schlemihl, a German Story (Itzulpena, 1824)
• Batavian Anthology (1824)
• Ancient Poetry and Romances of Spain (1824)
• Hymns (1825).
• Specimens of the Polish Poets (1827)
• Serbian Popular Poetry (1827)
• Poetry of the Magyars (1830)
• Cheskian Anthology (1832)
• Bentham's Deontology (Editor, 1834).
• Minor Morals for Young People (1834)
• Manuscript of the Queen's Court (1843)
• The Decimal System in Numbers, Coins and Accounts (1854)
• The Kingdom and People of Siam (1857)
• A visit to the Philippine Islands (1859)
• Translations from Alexander Petőfi (1866)

Wikimedia Commonsen badira fitxategi gehiago, gai hau dutenak: John Bowring

• (Ingelesez): John Bowringen liburuak Gutenberg proiektuan.
• (Ingelesez): John Bowringen biografia.