Harju konderria

Harju konderria
	Estonia
Administrazioa
Estatua	Estonia
ISO 3166-2	EE-37
Hiriburua	Tallinn
Harju County Governor (en)	Ülle Rajasalu
Geografia
Koordenatuak	59°20′N 25°00′E / 59.33°N 25°E
Azalera	4,333 km²
Mugakideak	Lääne-Viru County (en) , Lääne County (en) , Rapla County (en) eta Järva konderria
Demografia
Biztanleria	646.315 (2024ko urtarrilaren 1a); 8.239 (2023)
Dentsitatea	120 bizt/km²
Ordu eremua	UTC+02:00
	harju.maavalitsus.ee

Harju konderria (estonieraz: Harju maakond) Estoniako hamabost konderrietariko bat da. Finlandiako golkoaren hegoaldera dago Harju konderria. Ekialdera Lääne-Viru konderria (Mendebaldeko Viru) dago, Järva konderria hego-ekialdera, Rapla konderria hegoaldera eta Lääne konderria hego-mendebaldera. Egun, Estoniako biztanleetatik, herena baino gehiago Harju konderrian bizi dira.

Oraingoz, Estoniako Errepublikako hiriburu den Tallinn da konderriko hiriburua ere.

Historia

Harju inguruko lehenengo giza kokaguneak orain dela 5.000 urte inguru izan ziren, Brontze Aroko hilobi-aztarnek adierazten dutenez.

IX. mendean oraingo Harju konderriko eremuan Revalia konderria eratu zen: hiriburua Reval zen (gaurko izenez, Tallinn). Hainbat herrialderen agintepean egon ostean (besteak beste, suediarrak, livoniarrak, errusiarrak), 1917. urtean Harjuko konderria eratu zen, eta estoniera izendatu zuten hizkuntz ofizial gisa. Gaur egungo Harju konderriko gobernua 1990. urtean berrezarri zuten, lehenengo alemaniarren (1941-1944) eta gero sobietarren (1950-1990) menpe egon ostean.

Biztanleria

Harju konderrian dago Estoniako metropoli-area bakarra, Tallinn inguruan.

Estoniak 1990. urtean independentzia lortu zuenetik Harju konderria (eta Estonia herrialde osoa) biztanleak galtzen hasi zen, baina hamarkada horretan bertan biztanleria handitzen hasi zen, batez ere nekazaritza-eremuetatik hiribururantz bizi izatera joan ziren biztanleengatik.