Kultuzko filmak

Kultuzko filmak zinemazale edo jarraitzaile talde bat erakarri ohi dituzten filmak dira, estreinatu eta urte askotara ere zaletuak mantendu eta maiz areagotu dituztenak. Batzuetan, estreinatzeko unean, ez dute arrakastarik izaten, baina beste batzuetan, aldiz, berehalako arrakasta itzela dute. Kultuzko filmetako zinemagileek zinemazaleen erakarpena sortu nahi dutenez, sarri film arruntek ez dituzten ezohiko elementuak dituzte.

Kultuzko film estatuseko filmek ikusleen eta filmen arteko harreman estu eta sendoa lortzen dutenez, haien sailkapena zaila izaten da. Maiz, genero berezi edo espezializatuen barnean sailkatu dira: adibidez, beldurrezko zinema edota zientzia-fikziozko zinema

The Rocky Horror Picture Show, esaterako, kultuzko filmtzat jo da. Hainbat gai jorratzen ditu: musikala, zientzia-fikzioa, beldurrezko zinema, trabestismoa, LGBT harremanak eta intzestua. Urtero, eta batez ere AEB eta Erresuma Batuan, film horien proiekzio eta jaialdi bereziak ospatzen dira, eta bertaratzen diren zaletuak filmako pertsonaiez mozorroturik joateaz gain, proiekzioan zehar soinu bandako kantak kantatzen dituzte.

• Casablanca
• Planet of the Apes
• Blade Runner
• Grease
• Saturday Night Fever
• The Rocky Horror Picture Show
• Rio Bravo
• 2001: A Space Odyssey
• A Clockwork Orange
• The Shining
• Full Metal Jacket
• Apocalypse Now
• Fight Club
• Pulp Fiction
• Reservoir Dogs
• Memento
• Mulholland Drive
• Star Wars