Kristau-sinesbide

Kristau-sinesbide^[1] (ingelesez: Christian denomination) bat eskuarki tokian tokiko hainbat eliza barnebiltzen duen kristau-taldea da, erlijio bereko beste taldeek dauzkaten sinesteetatik arinki ezberdintzen dena. Kristau-sinesbideak euren izenak, historia bereziak, antolaketak, buruzagitzak, teologia-ikasbideak, gurtzeko erak eta, batzuetan, sortzaileak ezaugarritzen dituzte. Hitza sekular eta neutroa da, orokorrean ezarritako edozein kristau-eliza adierazteko. Gurtzapen edo sektak ez bezala, sindesbidea kristau-erlijioaren joeraren baten ataltzat jo ohi dira. Kristau-sinesbide gehienek euren burua elizatzat daukate, berriagoak diren batzuk, ostera, elizaz gain, sarri, elkarte, batzar, anaiarte eta abarrekoak ere erabiltzen dituzte. Taldeen arteko bereizketak agintaritzaren eta ikasbidearen kariaz izaten dira; Jesusen izaeraren auzia, apostoluen ondorengotzaren aginpidea, biblia-hermeneutika, teologia, eklesiologia, eskatologia eta aita santuaren gailentasunak sinesbide bat beste batetik bereiz dezake. Antzeko sineste, jardunbide eta historia-loturak elkarbanatzen dituzten sinesbideak kristautasunaren adarretan taldekatu ohi dira. Adarrok modu askotan ezberdintzen dira, bereziki jardunbide eta sinesteen bitartez.

• Sinesbiderik gabeko kristautasun