Kirol-automobil

Kirol-automobila abiadura handian zirkulatzeko diseinatutako turismo-automobila da. Lasterketa-automobilak ez bezala, bide publikoan gidatzeko pentsatuta dago. Azelerazio, abiadura maximo, asfaltoarekiko itsaspen, balaztatze-sistema eta beste kotxe konbentzionalek baino potentzia handiagoa dute eta hori motor, balazta, esekidura, abiadura-kaxa, pneumatiko, txasis eta karrozeria berezien bidez lortzen da. Kirol-automobil bati lotutako karrozeriak coupea eta sabai toleskorduna dira batez ere.

Tradizioz, marka konnotatuak, prezio altuak eta prestazio altuak zituzten ibilgailuentzat gorde izan da kalifikazio hori, edo zilindrada altuko ibilgailuentzat. Definizioari hertsiki dagokionez, ia segmentu guztietan kirol-ezaugarriak dituzten ibilgailuak daudela jo behar da.