Katharina Henot

Katharina Henot
Irudi gehiago
Bizitza
Jaiotza	Kolonia, 1570 (egutegi gregorianoa)
Herrialdea	Kolonia
Heriotza	Melaten-Friedhof (en) , 1627ko maiatzaren 19a (56/57 urte)
Heriotza modua	heriotza zigorra: asfixia
Familia
Aita	Jacob Henot
Haurrideak	ikusi Hartger Henot (en)
Hezkuntza
Hizkuntzak	Early New High German (en)
Jarduerak
Jarduerak	postmaster (en)

Katirin Henot edo Henoth (Kolonia, Alemania, 1570 - Ibidem, 1627ko maiatzaren 19a) alemaniar posta-burua izan zen, sorgintzat salatua eta sorginkeriagatiko epaiketetan bizirik erre zutena Kolonian (Alemania). Herrialdeko sorgin-ehizaren biktima ezagunenetakoa da, eta Koloniako kasu garrantzitsuena. Alemanian posta-buru izatera heldu zen lehen emakumea ere izan zen, seguruenik.^[1]

Heinrich Neudenekin ezkonduta zegoen Koloniako herritar errespetagarria eta eragin handikoa zen Katirin Henot. Harger Henot nebarekin batera (1571–1637), Jacob aitaren posta-bulegoa jaso zuen oinordetzan, eta Alemanian postako lehen emakumea izan zen, agian. Gatazka bat zuten Leonhard II von Taxis kondearekin, posta bulego nagusi bat sortu nahi baitzuen kondeak.

1626tik 1631ra, sorginen epaiketa handia egin zen Kolonia hirian. 1627an, moja bat "obsesionatuta" zegoen hiriko komentuan. Zurrumurruek Henot seinalatzen zuten, eta artzapezpikuaren batzordeak hura eta haren neba atxilotu egin zituen 1627ko urtarrilean, eta komentuko heriotza eta eritasun kasu batzuk magiaren bidez eragin izana leporatu zieten. Espetxeratu egin zuten Katirin eta fidantza eta babespeko askatasuna ukatu egin zitzaizkion.

Henotek uko egin zion ezer onartzeari, baita torturak larri zauritu eta gaixotu ondoren ere. Hala ere, epaiketan errudun jo zuten, eta sorginkeriagatik bizirik erretzera kondenatu. Bere neba Harger (edo Hartgier) Henot hura askatzen saiatu zen, gorte inperialean zuzenean apelatuz, baina ez zuen arrakastarik izan.

Bere aurkako epaiketa juridikoki desegokitzat jotzen da, garaiko legearen arabera ere bai. Henot hiriko agintarien konspirazio baten biktima izan zela uste dute ikerketa modernoek. Exekutatu ondoren bere neba haren izena garbitzen saiatu zen, baina 1629an Christina Plumek, Koloniako sorgin-epaiketen biktimetako batek, sorgin izendatu zuen neba ere. 1631n atxilotu egin zuten eragin handia zuten hainbat herritarrekin, baina epaiketak geroxeago eten egin ziren.

Koloniako Udalak ebazpen bat eman zuen 2012ko ekainaren 28an Katirin Henot eta XVII. mendean hiriko sorgin-jazarpenaren beste biktimak kargugabetzeko.^[2]

• Johannes Junus
• Sorgin-epaiketak Wurzburgon
• Pappenheimer familia
• Merga Bien

• Engelbert Goller, Jakob Henot, Inaugural-Disertación, Bonn 1910
• Friedrich Wilhelm Siebel, Dado Hexenverfolgung en Köln, Juristische Disertación, Bonn 1959
• Artikel von Thomas Becker (Historicum.net)
• Aufsatz von Gerd Schwerhoff, (MS Word)
• weitere Darstellung
• Telégrafo