Flores (uhartea)

Flores uhartea
Bena herria, Floresen
Geografia
Kokapena	Floresko itsasoa
Uhartedia	Sondako Uharte Txikiak
Azalera	13.540 km²
Punturik garaiena	Poco Mandasawu
Politika
Herrialdea	Indonesia
Probintzia	Nusa Tenggara Timur
Hiri populatuena	Maumere
Hiri populatuenaren biztanleria	70.000 bizt.
Gizartea
Biztanleria	1.831.000 bizt. (2010)
Dentsitatea	135 bizt./km²

Flores^[1] izenekoa, Sondako uharte txikietako bat da, Indonesiako Java uhartetik ekialdetik mendebaldera hedatzen den uhartedi bat. Sumbawa eta Komodotik ekialdera dago, eta Lomblen eta Alor uharteditik mendebaldera. Hego-ekialdean, Timor dago. Hegoaldean, Sumbako itsasartetik harago, Sumba dago, eta, iparraldean, Floresko itsasotik harago, Sulawesi.

Flores uhartea, Indonesiako Nusa Tenggara Timur probintzian dago. "Erregentziak" bezala ezagutzen diren bost barrutitan banatua dago. Ekialdetik mendebaldera, Manggarai, Ngada, Ende, Sikka eta Flores Timur dira.

Flores uharteko mendebaldeko kostaldea, Komodo uhartearekin batera, Komodoko dragoia egoera naturalean aurki daitekeen toki urrietako bat da. Antzina, musker handi hau, gizakia uhartera iritsi eta gutxira desagertu ziren xagu erraldoiez eta Stegodon generoko elefante nanoez elikatzen zen. Gizakiak Komodoko dragoiek ehizatzen dituzten basatitutako bufaloak, oreinak, basurdeak eta tximinoak sartu zituen. Ugariak dira, baita ere, hegazti, saguzar, suge eta anfibioak.

2003ko irailean, Liang Buako leizean, uhartearen mendebaldean hominido espezie bat aurkitu zen. Ordutik, aurkikuntza, "Floresko gizakia" (Homo floresiensis) bezala ezagutu da. Dirudienez, Homo erectusaren bertsio txikiago bat da, 100-110 zentimetroko altuerakoa. Dirudienez, duela 18.000 urte edo gutxiagora arte existitu zen.