1987ko Korrika

1987ko Korrika
Leloa	Euskara, zeurea
Ereserkia	Korrika (Oskorri)
Mota	ekitaldi
Honen parte da	Korrika
Denbora-tarte	1987ko apirilaren 3a - 1987ko martxoaren 12a
← 1985eko Korrika 1989 →
Herrialdea	Euskal Herria
Abiapuntu	Hendaia
Helmuga	Bilbo

1987ko Korrika edo 5. Korrika Euskal Herrian zehar ospatzen den Korrika jaialdiaren bosgarren edizioa izan zen. AEK elkarteak antolatu zuen eta ekitaldi honetan Balendin Enbeita omendu zuen. Euskara, zeurea leloa izan zuen.

Hirugarren aldiz jarraian iparraldeko herri batetik hasi zen (Hendaia, apirilaren 3an) eta hirugarren aldiz Bilbon bukatu, apirilaren 12an. Xalbador ikastolako ikasle batek egin zuen lehen kilometroa kazkabarra gogotik ari zuela. Ordura arteko ekitaldi luzeena izan zen, 2.085 kilometrotako luzera izan baitzuen. Azken kilometroa omenduaren semea zen Jon Enbeita bertsolariak egin zuen AEK-ko antolatzaileekin batera. Bera zen gainera mezua idatzi zuena eta berak abestu zuen jendeaurrean.^[1]

Dagoeneko klasikoa bihurtu den errelebolarien petoa ekitaldi honetan erabili zen aurrenekoz.

Oskorrik egin zuen abestia.^[2] Korrika 5 abesti hau Hamabost urte eta gero hau diskoaren barnean argitaratu zuen ondoren.

Hi, bizi, bihurri,
korrika, iturri,
gurekin etorri,
korrika, uztarri,
indarrak ekarri,
korrika, itzarri,
herri, sarri, larri,
korrika, egarri,
karrikan, elkarri,
korrika, belarri,
berri, jarri, gorri,
korrika, oinarri,
lagun, bizigarri,
korrika, giltzarri.