Joe Frazier

Joe Frazier
	; Irudi gehiago
Bizitza
Jaiotza	Beaufort, 1944ko urtarrilaren 12a
Herrialdea	Ameriketako Estatu Batuak
Talde etnikoa	afro-amerikarra
Lehen hizkuntza	ingelesa
Heriotza	Filadelfia, 2011ko azaroaren 7a (67 urte)
Hobiratze lekua	Ivy Hill Cemetery (en)
Heriotza modua	berezko heriotza: minbizia; gibeleko minbizia
Familia
Seme-alabak	ikusi Jackie Frazier-Lyde (en) ; Marvis Frazier (en) ; Derek Frazier (en) ;
Hezkuntza
Hizkuntzak	ingelesa
Jarduerak
Jarduerak	aktorea, boxeolaria eta ahots-aktorea
	Parte-hartzailea boxing at the 1964 Summer Olympics – heavyweight (en) ;
Pisua	103 kilogramo
Altuera	182 zentimetro
	joefrazier.com

Joseph Joe William Frazier (Beaufort, Hego Carolina, 1944ko urtarrilaren 12a - Filadelfia, Pennsylvania, 2011ko azaroaren 7a^[1]), ezizenez Smokin' Joe, estatubatuar boxeolaria izan zen.

Pisu astun mailako txapelduna izan zen, NYSAC World Heavyweight Champion txapelketan (1968-1970) zein WBC Heavyweight Champion txapelketan ere (1970-1973). Denboraldi horretan zehar Muhammad Ali boxeolari ospetsuari irabaztea lortu zuen lehenbiziko boxeolaria izan zen. 1964ko Udako Olinpiar Jokoak ere urrezko domina irabazia zuen.

Bizitza

1960ko hamarkadan hasi zen boxeo lehiaketetan parte hartzen, boxeolari amateur gisa. 1964an, Tokioko Olinpiar Jokoetara deitu zuten, eta lau borrokaldi irabazi ondoren (3 K.O.), urrezko domina eskuratu zuen. Hurrengo urtean, profesionaletan hasi zen.

1967an, Muhammad Ali, pisu astunetako txapeldunari (Boxeoko Mundu Elkartearena, WBA) tituluak kendu zizkioten soldadutzarik egin nahi ez izanagatik. Hurrengo urtean, Jimmy Ellisek irabazi zuen WBAk antolatutako txapelketa. Frazierrek ez zuen lehiaketan parte hartu, baina New Yorkeko estatuko zenbait batzordek bera izendatu zuten pisu astunetako munduko legezko txapeldun, urte hartan bertan Buster Mathis mendean hartzeagatik. 1970ean, Frazierrek Ellis menderatu zuen, eta pisu astunetako txapelketa (WBA bertsioa) lortu zuen, bai eta bi txapelketako tituluak bateratu ere.

1971n, lau urteko zigorra bete ondoren lehiaketetan parte hartzen hasi zen Muhammad Ali txapeldun handiaren aurrean berretsi behar izan zuen Frazierrek bere titulua. Borroka hura boxeoaren historiako desiratuenetako bat izan zen, bi boxeolari handi eta boxeatzeko bi estilo erabat desberdin jarri zirelako aurrez aurre: Frazierren geldotasun kupidagabea, batetik, eta Aliren dotoretasun, arintasun eta indarra, bestetik. Frazier atera zen garaile: hamabost roundetan berak lortu zituen punturik gehienak.

1973an, Kingstonen, George Foremanek kendu zion titulua. Hurrengo urtean, New Yorken, Frazierrek eta Alik indarrak neurtu zituzten berriro, baina orduan Ali atera zen garaile. 1975ean, Manilan, hirugarren aldiz jarri ziren aurrez aurre, eta orduan ere Frazierrek galdu zuen borroka. 1976an, Foremanen aurka galdu ondoren, erretiratu egin zen.

Profesionaletan, 37 borrokaldi egin zituen guztira: 32 irabazi zituen (27 K.O.) eta 4 galdu, eta bat baliogabe geratu zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/09/11 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.