Genitibo

Orrialde hau euskara ikasten ari den lankide batek egin du Euskaraz dakien lankide batek testua zuzendu eta erroreak egileari irakatsi ahal dizkio

Genitiboa gramatika-kasu bat da, jabegoa eta izenaren erlazioa adierazten dituena.

Euskaraz, genitiboa NOREN kasua da:

• mugagabean: -(r)en: Hiru bertsolariren lana da hori. / Zein mutilen aita etorri da?
• singularrean: -aren: bertsolariaren lana
• plural urrunean: -en: bertsolarien lana
• plural hurbilean: -on: Euskaldunon Egunkaria

Ipar Euskal Herriko euskalkietan, objektu zuzena ere ager dezake, -tzerat / -terat bukaerako aditz-izenekin. Adiskidearen ikusterat noa = Adiskidea ikustera noa.

Lekuzko zein denborazko funtzioa duenean, NONGO kasua erabiltzen da:

• mugagabean: -(e)tako: Zein ordutako arazoa? / Zein egunetako lana? / lau etxetako teilatuak / lau zuhaitzetako adarrak
• singularrean: -(e)ko: astearteko lana / ostiraleko zeregina / etxeko sukaldea / zuhaitzeko habia
• plural urrunean: -etako: igandeetako sermoia / ostegunetako filmak / etxeetako kontuak / zuhaitzetako hostoak
• plural hurbilean: -otako: igandeotako sermoia / ostegunotako filmak / etxeotako kontuak / zuhaitzotako hostoak

Indoeuropar hizkuntzetan ere genitiboak jabegoa zein harremana adierazten ditu.

Genitibo kasuak jabegoa adierazten du.

• Errusieraz: карандаш Антона - Antonen lapitza
• Ingelesez: John's shirt - Johnen alkandora
• Latinez: gladii militum - soldadoen ezpatak

Izenen arteko harremanak ere adierazten ditu.

• Ingelesez: the town's road - herriko bidea
• Latinez: - Moenia Romae - Erromako / Erromaren harresiak

• Nominatibo
• Akusatibo
• Absolutibo
• Ergatibo

Artikulu hau hizkuntzei buruzko zirriborroa da. Wikipedia lagun dezakezu edukia osatuz.