Plantopropagado

Plantopropagado aŭ plantomultigado estas la procezo de artefarita aŭ natura reproduktado de plantoj.

Semoj kaj sporoj povas esti uzataj por reproduktado (ekzemple semado). Semoj estas tipe produktataj per seksa reproduktado de plantoj ene de specio. Pro tio ke okazis gena rekombinado, planto produktita ekde semoj povas havi malsamajn trajtojn kompare kun siaj gepatroj. Iuj specioj produktas semojn kiuj postulas specialajn cirkonstancojn por ĝermado, kiel stratifikado ^[1] (manipulado de semoletargio). La semoj de multaj plantoj el Aŭstralio, Suda Afriko kaj Okcidenta Usono, bezonas fumon aŭ fajron por ĝermi. Iuj plantospecioj, inkluzive de multaj arboj, ne produktas semon ĝis ili atingas maturecon, kio povas daŭri multajn jarojn. Povas esti malfacile akiri semojn, kaj iuj plantoj tute ne produktas semojn.

Plantoj havas diversajn mekanismojn por neseksa aŭ vegeta reproduktado. Hortikulturistoj profitas el iuj el ili por rapide multobligi aŭ kloni plantojn. Homoj uzas ankaŭ metodojn kiujn plantoj ne uzas, kiel histokulturon kaj greftadon. Plantoj estas tiel produktataj uzante materialon de unu individuo kaj do ne estas interŝanĝo de genetika materialo. Pro tio veget-reproduktaj metodoj preskaŭ ĉiam produktas plantojn kiuj estas identaj al la origina planto. Vegeta reproduktado uzas plantopartojn kiel radikojn, tigojn kaj foliojn. Propagado per neseksaj semoj, aŭ apomixis, estas neseksa reproduktado sed ne vegeta propagado.

Teknikoj por vegeta propagado inkluzivas :

• Aeran aŭ grundan markotadon;
• Fragmentigadon, ekzemple de staŭdoj;
• Greftadon kaj burĝonogreftadon, regule uzatan en propagado de fruktarboj;
• Mikropropagadon;
• Stolonojn;
• Nutraĵ-deponajn organojn kiel bulbojn, bulbotuberojn, tuberojn kaj rizomojn;
• Stikadon.

• Adventiva organo
• Propagero

Portalo pri Biologio

• angle Ohio State University Extension- Plant propagation Arkivigite je 2010-04-29 per la retarkivo Wayback Machine
• angle Grow'Em Plant Propagation Database Arkivigite je 2010-05-07 per la retarkivo Wayback Machine