Sorengo
|
Por samtitolaj artikoloj vidu la paĝojn Sorengo (stacidomo) kaj Sorengo Laghetto (stacidomo). |
| Sorengo | |
|---|---|
 | |
| Blazono de Sorengo | |
 | |
| Franklin Kolegio en Sorengo | |
| Kantono | Tiĉino |
| Distrikto | Lugano |
| Komunumaro | Vezia |
| Koordinatoj | 45° 59′ 59″ N 8° 56′ 18″ O / 45.99972 °N, 8.93833 °O (mapo)Koordinatoj: 45° 59′ 59″ N 8° 56′ 18″ O / 45.99972 °N, 8.93833 °O (mapo) |
| Nombro de loĝantoj | 1709 |
| Areo | 0,85 km² |
| Alteco | 430 m super marnivelo |
| Poŝtkodo | 6924 |
| Komunumkodo | 5225 |
 | |
| Mapo de Sorengo | |
Sorengo estas politika komunumo de la Komunumaro Vezia en la Distrikto Lugano en Kantono Tiĉino (Svislando).
Geografio
[redakti | redakti fonton]Sorengo estas ĉirkaŭita de tri flankoj de la urbo Lugano, de kies aglomeraĵo ĝi formas integritan parton. En ĝia sudokcidento situas la Lago de Muzzano. La komplete urbeca komunumo konsistas el la kvartaloj Sorengo, Cortivallo, Lucino, Cremignone, San Grato kaj la kvartalo de la kliniko Sant'Anna[1]
La teritorio de la komunumo etendiĝas sur areo de 0,85 km², de kiuj 17,2% estas kovritaj de arbaro, 20,7% servas por agrikulturo kaj 60,9% por setlado. [2]
Najbaraj komunumoj
[redakti | redakti fonton]Sorengo en nordokcidento, nordo, oriento kaj sudo limas al la komunumo kaj urbo Lugano. Nur en sudoriento ĝi limas al Collina d’Oro kaj en sudokcidento al Muzzano.
Trafiko
[redakti | redakti fonton]Tra Sorengo pasas la ĉefvojo nomita Via Ponte Tresa, kiu kondukas de la urbocentro de Lugano Tra Sorengo kaj Muzzano al Ponte Tresa. La plej proksima alveturejo al la svisa aŭtovojo A2 estas Lugano-Sudo, kiu situas 1,5 kilometrojn sude de la komunumo. Al la publika transportreto estas konektita pere de du haltejoj ĉe la trama etspura fervojo de Lugano al Ponte Tresa.
Gravaj institucioj
[redakti | redakti fonton]La plej grava loka institucio estas kliniko Sant'Anna (Sankta Ana), kiu havas gravan departementon pri akuŝado, en kiu naskiĝas pli ol 800 infanoj jare (pli ol 50.000 de la ekaktiviĝo en 1934). Ek de 1965 la privata universitato Franklin College Switzerland havas sian sidejon en Sorengo.
Konataj personoj
[redakti | redakti fonton]En Sorengo vivis aŭ de ĝi devenas tuta serio da famaj personecoj. Inter ili:
- Michelle Hunziker modelulino
- Dick Marty, politikisto
- Flavio Maspoli, politikisto
- Mickey Hardt, aktoro
- Hermann Hesse, verkisto, en 1919 vivis tie
Historio
[redakti | redakti fonton]La unua dokumenta mencio de Sorengo datiĝas el la jaro 1189 kiel Sourengo. En la jaro 1189 la katedrala kapitolo Sankta Lorenco de Lugano akiris la interezrajtojn en Sorengo. En la malfrua mezepoko la Monaĥejo San Abbondio en Como kaj ek de 1265 la katedralkapitolo de Como posedis bienojn en Sorengo. En la jaro 1298 Sorengo estis la unuan fojon menciita kiel komunumo. En la 16-a ja 17-a jarcento Sorengo interŝanĝe kun Lugano kaj Loreto estis la kunsidejo de la Konsilio de la Valo de Lugano. Ĝis 1776, kiam ĝi fariĝis memstara paroĥo, Sorengo apartenis al la Paroĥo Lugano. [3]
Notoj kaj referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Sorengo – (Kolekto de bildoj kaj plurmediaj dosieroj)
| ||||||
