Letters from Iwo Jima (filmo)

Letters from Iwo Jima
filmo
Originala titolo	硫黄島からの手紙
Originala lingvo	japana lingvo • angla lingvo
Kina aperdato	2006, 22 feb. 2007
Ĝenro	Militfilmo, drama filmo, historifilmo, film based on book
Kameraado	Tom Stern
Reĝisoro(j)	Clint Eastwood
Produktisto(j)	Clint Eastwood • Steven Spielberg • Robert Lorenz
Scenaro	Iris Yamashita • Paul Haggis
Filmita en	Islando • Malibu • Japanio • Leo Carrillo State Park
Loko de rakonto	Japanio • Iwo Jima
Muziko de	Kyle Eastwood
Rolantoj	Ken Watanabe • Kazunari Ninomiya • Yuki Matsuzaki • Luke Eberl • Tsuyoshi Ihara • Ryō Kase • Nakamura Shidō II • Eijiro Ozaki • Jeremy Glazer • Mark Moses • Roxanne Hart • Ryan Carnes • Mathew Botuchis • Ryan Kelley • Nori Bunasawa
Produktinta firmao	DreamWorks ; Malpaso Productions ; Amblin Entertainment ; Warner Bros.
Honorigoj	Akademia Premio por la Plej Bona Sonredaktado • National Board of Review: Top Ten Films • National Board of Review Award for Best Film
IMDb
	v • d • r

Letters from Iwo Jima (Leteroj el Iwo Jima, japane: 硫黄島からの手紙) estas usona milita filmo de Clint Eastwood aperinta en 2006. La filmo adaptita de la libro "Picture Letters from Commander in Chief" de Generalo Tadamichi Kuribayashi rakontas la batalon de Iwo Jima el japana vidpunkto, kaj paralelas kun alia filmo de Clint Eastwood "Flags of our Fathers", kiu rakontis la batalon el usona vidpunkto.

Rakonto

La filmo, kiu rakontas la batalon de Iwo Jima el japana vidpunkto, fokusiĝas jen al soldato Saigo kaj liaj kunuloj, jen al superuloj kiaj Generalo Tadamichi Kuribayashi kaj Barono Takeichi Nishi, eksa olimpika ĉampiono de rajdado. Generalo Tadamichi Kuribayashi, ĵus alveninta al insulo Iwo Jima por preni la komandon, kontestas la ordonojn de la tieaj postenuloj kaj reorganizas la defendon de la insulo, konsciante, ke la batalo estos feroca kaj longdaŭra. Anstataŭ defendi la strandon, li ordonas fosi tunelojn en la monto. Iom poste alvenas Barono Takeichi Nishi, kun sia ĉevalo, kaj ambaŭ homoj fariĝos amikoj, montrante humanajn sentojn meze de la batalo kontraŭ usonaj invadantoj. Iom post iom, fariĝas al ili evidente, ke tiu senespera batalo tamen prokrastas la malamikon alpreni la insulon kiel bazon por ataki ilian hejmlandon. Ju pli longe daŭros la batalo, des pli longe Japanio restos neatakita. Je la fino ambaŭ homoj mortigos sin kaj restos nur Saigo kiel atestanto.