Blosio Palladio

Blosio Palladio
Persona informo
Naskiĝo	30-an de novembro 1449 (1449-11-30) en Collevecchio
Morto	8-an de decembro 1550 (1550-12-08) (101-jaraĝa) en Romo
Religio	katolika eklezio vd
Lingvoj	itala • Mezepoka latino vd
Profesio
Okupo	poeto arkitekto katolika episkopo vd
Postenoj Postenoj dioceza episkopo (1540–1547) vd
vd	Fonto: Vikidatumoj
v • d • r

Biagio PALLAI (pseŭdonime: Blosio Palladio kaj Blosius Palladius; naskiĝinta en Collevecchio, mortinta la 8-an de decembro 1550 en Romo) estis itala poeto, arĥitekto kaj episkopo de Foligno.

Inter 1518 kaj 1519 Pallai estis sekretario de la papa nuncio kaj ĉefepiskpo Franciotto Orsini. En 1524 li publikigis latinlingvan poezian antologion Coryciana por honori la germanan mecenaton Johannes Goritz. Kunlaboranto por tio estis i.a. Petreius Aperbacchus. Krome li verkis en 1512 la versaĵon Suburbanum Augustini Chisii por festi rezidejon Agostino Chigi, bankisto el Sieno.

Amiko lia estis la arĥitekto kaj pentristo Baldassarre Peruzzi, kiu planis por li la enroman vilaon Monte Mario. Pallai poste estis hejma sekretario sub la regado de la papoj Klemento la 7-a, Paŭlo la 3-a kaj Julio la 3-a (mallonge). Lia papa moŝto Paŭlo la 3-a nomis lin en 1540 episkopo de Foligno; konsekriĝo tamen neniam okazis. Tombo lia troviĝas en la roma Preĝejo Sankta Mario je Aquiro.

• Enzo Bentivoglio: Blosio Palladio di Collevecchio in Sabina nella Roma tra Giulio II e Giulio III, Collevecchio 1990

• Giada Carboni, "Blosio Palladio, l'architetto e poeta inventore dei turundalia" (2022)
• Stefano Benedetti: Treccani-biografioj