Amy Adams

Amy Adams
Persona informo
Amy Adams
Naskonomo	Amy Lou Adams
Naskiĝo	20-an de aŭgusto 1974 (1974-08-20) (50-jaraĝa) en Aviano
Lingvoj	angla • itala vd
Loĝloko	Beverly Hills vd
Ŝtataneco	Usono Italio vd
Alma mater	Douglas County High School (en) vd
Familio
Patro	Richard Kent Adams (en) vd
Edz(in)o	Darren Le Gallo (en) (2015–) vd
Infanoj	1
Profesio
Okupo	filmaktoro teatra aktoro aktoro televida aktoro kantisto dancisto voĉaktoro vd
Aktiva dum	1999– vd
Honorigoj Honorigoj (11-a de januaro 2017)  stelo sur la Trotuaro de famo en Holivudo (2015)  premio Ora Globo de la plej bona ĉefaktorino en muzikaj aŭ komediaj filmoj, kialo de la premio Big Eyes (en) (2014)  Premio Screen Actors Guild (2014)  premio Ora Globo de la plej bona ĉefaktorino en muzikaj aŭ komediaj filmoj, kialo de la premio American Hustle (en) (2008)  Premio Saturno, kialo de la premio Enchanted (mul) (2006)  Premioj de Sendependa Spirito vd
vd	Fonto: Vikidatumoj
v • d • r

Amy Lou ADAMS naskiĝis la  20-an de aŭgusto 1974(nun 1974-08-20) en Vicenza, Italio estas usona aktorino. Ŝi ludis ekde fino de la 1990-aj jaroj en pli ol 30 kinejaj kaj televidaj filmoj, precipe en komedioj. Ŝi atingis konatecon pro la figurigo de senkulpaj-naivaj figuroj en la filmoj Junebug (2005), Enchanted (2007) aŭ Doubt (2008). Adams apartenas al la plej bone pagitaj aktorinoj de Holivudo kaj estis trifoje nomumita al Oskar-premio.

Ŝi naskiĝis en Italio, kiam ŝia patro - iama usona soldato - servis tie. Ŝi plenkreskis kiel meza el sep gefratoj de mormona familio en la provinca Castle Rock en usona federacia ŝtato Colorado. La patro estis aktoro, kiu libertempe verkis teatraĵetojn, kiujn oni prezentis en la familia rondo. Tiel Adams jam konatiĝis kun la aktorado jam en junaĝo. Ŝi vizitis mezlernejon en distrikto Douglas County, poste laboris en "Dinner Theater" ("Tagmanĝa Teatro", amuzejo, kie estas interligita la manĝado kaj la spektado de la aktorado) en Denver, Colorado, same mallongtempe kiel manaĝistino kaj kelnerino ĉe la konata usona gastronomia ĉeno Hooters. Poste ŝi laboris en Minnesota en Chanhassen Dinner Theater, kie ŝi ludis en muzikalo Good News.

Ŝi ricevis la unuan filman rolon en 1999 en la satiro Drop Dead Gorgeous de reĝisoro Michael Patrick Jann. Ŝi ludis roleton de kuraĝistino, kun Kirsten Dunst, Denise Richards kaj Kirstie Alley. Instigante de Kirstie Alley, ŝi translokiĝis al Los Angeles kaj post du monatoj jam ricevis rolon en la televida serio Manchester Prep. La serio estis mallongviva kaj ŝi ludis nur en tri epizodoj.

Post malsukceso de Manchester Prep, Adams akiris roleton en horora komedio de Robert Lee King Psycho Beach Party kaj en la 36-minuta filmeto The Chromium Hook. Tion sekvis roletoj

En 2002 la artistelekta direktorino Deborah Zane ekatentis je la karisma aktorino. Zane proponis al Steven Spielberg, Amy Adams laborigi en sia filma projekto Catch Me If You Can. La kunlaboro kun Steven Spielberg helpis Adams al trarompo en la filma aktorado kaj igis ŝin konata por vasta kinejvizita publiko.

Adams havas filinon de aktora kolego Darren Le Gallo, kun kiu formas paron ekde 2002.

• Amy Adams ĉe Interreta filma datumbazo (angle)
• Amy Adams ĉe AllMovie (angle)
• Amy Adams ĉe Box Office Mojo
• Amy Adams ĉe Rotten Tomatoes
• Stanislavo Belov (2019-04-11) Usona fraŭdo (American Hustle): Ratoj regas la mondon (esperante). Blogger. Arkivita el la originalo je 2019-05-19. Alirita 2019-05-19. (pri la filmo "Usona fraŭdo", en kiu ŝi ludis)