Aŭklanda merĝo
 | ||||||||||||||
|---|---|---|---|---|---|---|---|---|---|---|---|---|---|---|
 Aŭklanda merĝo
| ||||||||||||||
| Biologia klasado | ||||||||||||||
| ||||||||||||||
| Mergus australis (Hombron & Jacquinot, 1841) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Aŭklanda merĝo (Mergus australis) estis birdospecio de la genro de tipaj merĝoj, kiu nune estas formortinta.
Tiu anaso estis simila laŭ grando al la Mezgranda merĝo. La maskla plenkreskulo havis malhelan ruĝecbrunajn kapon, kreston kaj kolon, kun bluecnigraj dorso kaj vosto kaj ardezgrizaj flugiloj. La ino estis iomete pli malgranda kun pli mallonga kresto.
Tiu birdo estis unuafoje kolektita kiam franca ekspedicio estre de la esploristo Jules Dumont d'Urville per la ŝipoj L'Astrolabe kaj La Zelee vizitis la Aŭklandojn en 1840. Ties malpliiĝo estis kaŭzata de kombino de ĉasado kaj predado fare de enmetitaj mamuloj. Tiu birdo ne estis nefluga, sed anstataŭ ekflugi, ĝi preferis kaŝiĝi inter rokoj kaze de persekutado. La lasta vidaĵo estis de paro mortpafita la 9an de januaro 1902. Ĝi jam ne estis trovita en serĉado de 1909, kaj detala esplorado de ebla habitato en 1972/1973 konkludis, ke ĝi estis delonge formortinta (Williams & Weller, 1974).
Malkovroj el fosilioj sugestas, ke tiu merĝo estis antaŭe specio de loĝantaj birdoj en la Suda Insulo kaj en Stewart-insulo en Novzelando. Fosilio de subspecio aŭ de proksime rilata specio estis trovita ankaŭ en la Chatham-insularo. Estas mallonga registro mencianta "merĝon" trovitan en Kampbelinsulo en McCormick (1842), sed tio povus aludi ankaŭ al duonmara Kampbela kreko kiu aliflanke mankas en liaj notoj: li mencias nur la specion de la Pacifika brovanaso ("novzelanda specio de anaso").
Referencoj
[redakti | redakti fonton]- BirdLife International (2004). Mergus australis. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 5a Majo 2006. Kriterioj kail tiu specio estis listata kiel formortinta.
- McCormick, Robert (1842): A sketch of the Antarctic regions, embracing a few passing remarks, geographical and ornithological. Tasmanian Journal of Natural Sciences 1(4): 241-247. PDF plena teksto
- Williams, G. R. & Weller, M. W.. (1974): Unsuccessful search for the Auckland Islands Merganser (Mergus australis). Notornis 21(3): 246-249. PDF plena teksto Arkivigite je 2007-10-30 per la retarkivo Wayback Machine
- Southern Merganser. Mergus australis. de Paul Martinson. Artaĵo produktita por la libro Extinct Birds of New Zealand, de Alan Tennyson, Te Papa Press, Wellington, 2006
| ||||||||||||||||||
