Bolardo

En ŝipado bolardo estas malalta, sed fortega fosto el metalo aŭ ligno por ligi ŝipon per ŝnurego (droso, haŭsero).

Tradicie ili estis simplaj dikegaj lignaj fostoj. Hodiaŭ en havenoj, sur kajoj aŭ pieroj estas gisitaj metalaĵoj en formo de fungo au hoko.
Bolardoj surŝipaj kutime estas velditaj el metalo kaj aperas duope.

En strat-trafiko oni uzas bolardojn (bolardecajn palisadojn) sur trotuaroj, biciklaj vojoj aŭ ĉe enirejoj al piedirantaj zonoj, por bari al aŭtomobiloj transveturon aŭ parkadon. Foje ili estas faldeblaj, por permesi dumtempan aliron (ekzemple de fajrobrigado).
Ellaborita tekniko permesas aŭtomatajn barilojn: ili estas ekipataj per radiosensoro, kiu pro signalo el (ekzemple) rutina buso aŭtomate forfaldiĝas.