وەزیرێ دەرڤەیێ ئیراقێ راگھاند، ئەو دێ د دەمێن پێش دە لگەل رایەدارێن ترکیەیێ چەندین ھەڤدیتنان ئەنجام دەن و رەوشا ناڤچەیێ و شەرێ ل دژی تەرۆرێ گۆتووبێژ بکن.وەزیرێ دەرڤەیێ ئیراقێ فوئاد حوسێن ئیرۆ 26 چلە د کۆنگرەیەکێ رۆژنامەڤانی دە لگەل وەزیرێ دەرڤەیێ ترکیەیێ ھاکان فیدان راگھاند، “پەیوەندیێن دوئالی یێن ترکیێ و ئیراقێ باشن و مە ل سەر چاوانیا پێشخستنا پەیوەندیێن، پشتی سەردانا سەرۆککۆمار ئەردۆگان بۆ بەغدایێ گۆتووبێژ کرن.”وەزیرێ دەرڤەیێ ئیراقێ تەکەز کر، ئەو دکارن لگەل ترکیەیێ د گەلەک واران دە ب تایبەتی بازرگانی و سیاسی لگەل ھەڤ کار بکن. ھەروھا گۆت: “پەیوەندیێن ئیراق و ترکیەیێ یێن دیرۆکی و ستراتەژیک ھەنە.فوئاد حوسێن دا زانین، د ھەڤدیتنێ دە پێشھاتێن داوی یێن سووریەیێ و ناڤچەیێ و ھەبوونا تەرۆریستێن داعشێ ل سەر سینۆر ژی گۆتووبێژ کرنە.ئاماژە ب وێ ژی کر، د دەمێن پێش دە، چەندین جڤین دێ د ناڤبەرا ئەنقەرە و بەغدایێ دە ل سەر مژارێن ئەولەکاریا ھەرێمێ و شەرێ ل دژی تەرۆرێ د پێشەرۆژێ دە بێن لدارخستن.وەزیرێ دەرڤەیێ ترکیەیێ ھاکان فیدان ئیرۆ 26ێ چلە گھیشت بەغدایێ و بریارە لگەل سەرۆککۆمارێ ئیراقێ عەبدولەتیف رەشید، سەرۆکوەزیرێ ئیراقێ محەمەد شیاع سوودانی و سەرۆکێ ئەنجوومەنا نوونەران مەحموود مەشھەدانی بجڤە.سەردانا فیدان بۆ ئیراقێ، د چارچۆڤەیا سەردانەکا فەرمی دەیە. پێوەندیێن ئەنقەرە-بەغدایێ و مژارێن ھەرێمی، دێ مژارێن سەرەکەیێن ھەڤدیتنێن وەزیرێ دەرڤەیێ ترکیەیێ و رایەدارێن ئیراقێ بن.
