Suo Gân
Hwiangerdd Gymraeg draddodiadol gan awdur anhysbys yw Suo Gân.
Geiriau
[golygu | golygu cod]Huna blentyn yn fy mynwes
Clyd a chynnes ydyw hon;
Breichiau mam sy'n dynn amdanat,
Cariad mam sy' dan fy mron;
Ni cha' dim amharu'th gyntun,
Ni wna undyn â thi gam;
Huna'n dawel, annwyl blentyn,
Huna'n fwyn ar fron dy fam.
Huna'n dawel, heno, huna,
Huna'n fwyn, y tlws ei lun;
Pam yr wyt yn awr yn gwenu,
Gwenu'n dirion yn dy hun?
Ai angylion fry sy'n gwenu,
Arnat ti yn gwenu'n llon,
Tithau'n gwenu'n ôl dan huno,
Huno'n dawel ar fy mron?
Paid ag ofni, dim ond deilen
Gura, gura ar y ddôr;
Paid ag ofni, ton fach unig
Sua, sua ar lan y môr;
Huna blentyn, nid oes yma
Ddim i roddi iti fraw;
Gwena'n dawel yn fy mynwes
Ar yr engyl gwynion draw.
Y gân mewn diwylliant poblogaidd
[golygu | golygu cod]- Mae'n ymddangos yn y ffilm Empire of the Sun ble mae'n cael eu cydwefuso gan yr actor Christian Bale.
- Seiliwyd alaw y gân 'Heal My Soul' gan Savatage ar alaw Suo Gân.
- Mae'n ymddangos yn yr anime Bedd y Pryfed Tân (火垂るの墓) ac yn y ffilm Dutch (yn offerynnol).
Dolenni Allanol
[golygu | golygu cod]
 |
Mae gan Wicidestun destun sy'n berthnasol i'r erthygl hon: |
